U aeraporcie Minska, rezka źmianiŭšy kurs, pryziamliŭsia samalot Afiny—Vilnia — na borcie byŭ Raman Pratasievič
Paviedamleńnie pra miniravańnie nie paćvierdziłasia. Zatoje źjaviłasia infarmacyja, što na borcie byŭ Raman Pratasievič, abvieščany Śledčym kamitetam u vyšuk razam sa Ściapanam Puciłam. Jany rabili telehram-kanał, pryznany ŭ Biełarusi ekstremisckim.
Paśla taho, jak u minskim aeraporcie ździejśniŭ pasadku samalot avijakampanii Ryanair, jaki lacieŭ z Afin u Vilniu, źjaviłasia taksama infarmacyja pra ruch u bok aeraporta pažarnych mašyn i mikraaŭtobusaŭ CAK MNS.
Žurnalistam Onliner u pres-słužbie Nacyjanalnaha aeraporta skazali, što piłoty padali paviedamleńnie ab miniravańni.
Pasažyraŭ skiravali na paŭtorny nadhlad.
Paźniej u pres-słužbie aeraporta paviedamili, što sihnał ab miniravańni nie paćvierdziŭsia. Ale skazać, kali samalot palacić pa maršrucie, nie zmahli. Bo «praciahvajucca pravieračnyja mierapryjemstvy, jakija praduhledžanyja ŭ takich vypadkach».
Paźniej telehram-kanał HUBAZiK napisaŭ pra zatrymańnie ŭ aeraporcie Minska Ramana Pratasieviča.
Jak paviedamiŭ telehram-kanał Puł pieršaha, dla supravadžeńnia pasažyrskaha samalota ŭ minski aeraport byŭ uźniaty ŭ nieba źniščalnik MiH-29. Adznačajecca, što heta było zroblena pa daručeńni Łukašenki.
Pratasievič, jak i Ściapan Puciła, byŭ abvieščany ŭ miždziaržaŭny vyšuk. Pratasieviča i Puciłu abvinavačvajuć u arhanizacyi masavych biesparadkaŭ i hrupavych dziejańniaŭ, što hruba parušajuć hramadski paradak, — st. 293, art. 342, a taksama ŭ raspalvańni sacyjalnaj varožaści (č. 3 art. 130) KK. Ich unieśli ŭ «Pieralik arhanizacyj i fizičnych asob, datyčnych da terarystyčnaj dziejnaści».
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić2929
Kamientary