U Biarozaŭcy (Lidski rajon) raźvitalisia z 50-hadovym palitviaźniem Vitoldam Ašurkam.
Trunu ź ciełam Vitolda Ašurka pryvieźli ŭ Biarozaŭku ŭčora. Siońnia spačatku adbyłosia hramadskaje raźvitańnie, zatym niekalki socień čałaviek prajšli z trunoj da kaścioła, dzie adbyłasia słužba. A paśla rušyli da mohiłak
Siarod prysutnych na raźvitańni byli hramadskija dziejačy Vadzim Sarančukoŭ, Aleś Łahviniec, Andrej Jurkoŭ, Taćciana Małaščanka, Pavieł Batujeŭ, Viktar Jančurevič, śpiavak Andrej Mielnikaŭ, redaktar «Našaj Nivy» Andrej Dyńko.
Pra śmierć Vitolda Ašurka stała viadoma ŭ piatnicu, jon pamior u škłoŭskaj kałonii.
18 studzienia na sudzie za začynienymi dźviaryma ŭ Lidzie jon byŭ asudžany pa dvuch artykułach: 364 «Hvałt ŭ dačynieńni da supracoŭnika orhanaŭ unutranych spraŭ» i 342 «Arhanizacyja i padrychtoŭka dziejańniaŭ, jakija hruba parušajuć hramadski paradak». Pa pieršym artykule sud pastanaviŭ pakarać aktyvista čatyrma hadami kałonii, a pa druhim — dvuma hadami i čatyrma miesiacami. Šlacham častkovaha pahłynańnia u vyniku vyjšła piać hadoŭ.
Kamientary