Tolki što na volu vyjšli novyja palitźniavolenyja. Heta radasnaja navina, ale i duža tryvožnaja. Bo ludziej, paśla mnohich hadoŭ turmy, vyciskajuć za miežy krainy, dzie jany ŭ najbližejšy čas sutyknucca z vyprabavańniem emihracyjaj. U suviazi z hetym Fond salidarnaści «Bajsoł» abjaŭlaje ekstranny zbor na ich patreby.
Fond źbiraje srodki na vypłatu terminovaj dapamohi vyzvalenym palitviaźniam. Meta — sabrać 123 tysiačy jeŭra, z raźliku, što kožnaja i kožny atrymaje pa 1 tysiačy jeŭra.
«My zaklikajem nieabyjakavych dałučacca da akcyi padtrymki palitviaźniaŭ na sajcie BYSOL. Kožny ŭniosak vielmi istotny, biez uliku jaho vieličyni — luboje achviaravańnie budzie častkaj ahulnaj dapamohi. Bo ludziam, jakich vyzvalili 13 śniežnia, nieadkładna patrebnyja srodki dla samaha nieabchodnaha na pieršy čas. Jany atrymajuć hrošy, kab dać rady ź imi samastojna, zhodna z ułasnymi patrebami i pryjarytetami: u kožnaha svajo razumieńnie terminovaści i važnaści», — padkreślivaje Vitalus Mockus, dyrektar Fonda BYSOL.
Padtrymać zbor možna pa hetaj spasyłcy.
Usie sabranyja srodki buduć vydadzienyja vyzvalenym palitviaźniam, z ulikam kamisii bankaŭ. Pavodle dośviedu BYSOL, minimalnaja nieabchodnaja suma ŭ takoj situacyi składaje 2 tysiačy jeŭra. Pałovu hetaj sumy vyzvalenyja atrymajuć pa prahramie adnarazovaj dapamohi ad BYSOL, jašče pałovu — z hetaha ekstrannaha zbora.
Kali atrymajecca sabrać bolš srodkaŭ, čym płanujecca, usia suma budzie padzielenaja pamiž atrymalnikami.
Dla atrymańnia srodkaŭ palitviaźniam treba adpaviadać dvum kryteram: mieć dośvied pieraśledu pa palityčnych matyvach i dać zhodu (abo źviarnucca) na atrymańnie takoj dapamohi. Źviartacca pa dapamohu možna da kanca sakavika 2026 hoda. U vypadku, kali zastanucca srodki, pa jakija ź niejkich pryčyn nie źviarnulisia, Fond skiruje ich na dadatkovyja vypłaty tym, chto źviarnuŭsia i vykazaŭ zhodu raniej.
BYSOL užo ładziŭ padobny zbor, kali 11 vieraśnia 2025 hoda režym vydvaryŭ u Litvu 52 asoby. Tady atrymałasia sabrać 111 tysiač jeŭra (meta była — 50 tysiač). U adkaz vyzvalenyja zapisali videa z padziakami dla tych, chto im dapamoh.
Na voli Maryja Kaleśnikava i Aleś Bialacki. Ahułam vyzvalena 123 palitviaźni
Vyjšli na svabodu niekalki inšaziemcaŭ i biełarusaŭ z zamiežnymi pašpartami
Zialenski: Biełaruś addała Ukrainie jašče piać asudžanych ukraincaŭ
Maryja Kaleśnikava na svabodzie
Zialenski: Biełaruś addała Ukrainie jašče piać asudžanych ukraincaŭ
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj4
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary