Na leciščy zatrymali 16 udzielnikaŭ hurta Irdorath. Suprać šaści čałaviek zaviedziena kryminalnaja sprava za ŭdzieł u pratestach
Učora, 2 žniŭnia, na leciščy na śviatkavańni dnia narodzinaŭ zatrymali ŭdzielnikaŭ biełaruskaha muzyčnaha fentezi-fołk hurta IRDORATH.
Spačatku paviedamlałasia, što ich vinavaciać u niepadparadkavańni supracoŭnikam milicyi (art. 24.3 KaAP) za toje, što nie adčynili varoty.
Siarod zatrymanych — Anton Šnyp, Piotr Marčanka, Pavieł Šmyha, Uładzimir Kałač, Junickaja, Sinkievič.
Paźniej pres-słužba MUS paviedamiła, što zatrymańnie adbyłosia za ŭdzieł u letašnich «niesankcyjanavanych akcyjach». Zatrymańnie pravodzili apieratyŭniki va ŭzajemadziejańni z abłasnoj milicyjaj i z dapamohaj SACHRa, usiaho ŭziali 16 čałaviek.
Paviedamlajecca, što ŭdzielniki hurta ŭznačalvali kałonu pratestoŭcaŭ i z «vykarystańniem muzyčnych instrumientaŭ zaklikali ludziej da niesankcyjanavanaha mierapryjemstva».
Šeść čałaviek pryznanyja padazravanymi pa kryminalnaj spravie, zaviedzienaj pa fakcie arhanizacyi dziejańniaŭ, jakija hruba parušajuć hramadski paradak, i ŭdziełu ŭ ich. U dačynieńni da astatnich składzieny administracyjnyja pratakoły za niepadparadkavańnie patrabavańniam milicyjantaŭ pry zatrymańni.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary