U Smalavičach pačynajecca sud z-za vykazvańniaŭ Cimy Biełaruskich u intervju Dudziu
U sudzie Smalavickaha rajona pačałosia papiaredniaje słuchańnie pa pazovie byłych pradziusaraŭ Cimy Biełaruskich u dačynieńni da samoha Cimy i videabłohiera Juryja Dudzia. Havorka idzie ab abaronie honaru, hodnaści i dziełavoj reputacyi. Pradmietam sudovaha razboru stali vykazvańni Cimy Biełaruskich u intervju, jakoje jon daŭ Dudziu ŭ červieni 2021 hoda. Za hety čas jano sabrała na YouTube bolš za 7 młn prahladaŭ i kala 30 tysiač kamientaroŭ, piša Anłajnier.
Padčas intervju byli padniatyja pytańni ab uzajemaadnosinach Cimy Biełaruskich z łejbłam Kaufman, abmiarkoŭvalisia niuansy supracoŭnictva, pryčyny sychodu artysta.
Ciapier pačałosia papiaredniaje pasiadžeńnie pa spravie. U sud pryjšoŭ Cima Biełaruskich sa svaim advakatam, Dudź i Roźničenka na pasiadžeńnie nie źjavilisia, ad apošniaha vystupaje pradstaŭnik. Na słuchańni začytvajuć cytaty z taho samaha intervju: pra kantrakty, dziaŭčynu, jakaja pahaliła hałavu nahała, dačku, vypivańnie harełki za hrošy i h.d.. Pradstaŭniki pazoŭnika damahajucca taho, kab Juryj Dudź apublikavaŭ na svaim Youtube-kanale abviaržeńnie niekatorych vykazvańniaŭ zroblenych u adras łejbła. Patrabavańnia vydalić sam videarolik niama.
Adkazčyk usie pazoŭnyja patrabavańni nie pryznaje, śćviardžaje, što jość źviestki, jakija paćviardžajuć vykazvańni. Jość śviedki i dakumientacyja.
U intervju śpiavak śćviardžaŭ, što atrymlivaŭ tolki 25% dachodaŭ zamiest 30% abiacanych, a 5% sychodzili na inšyja patreby łejbła i nie dachodzili da artysta. Kaža, što pry padpisańni kantrakta jaho pryśpiešvali, a jon padpisvaŭ papiery nie hledziačy.
Papiaredniaje słuchańnie skončana, aryjencirovačnaja data praciahu sudovaha pracesu — viasna 2022 hoda, krasavik-maj.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ13
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary