Apielacyjny sud pakinuŭ u sile prysud Sieviaryncu.
Pra heta paviedamiła Volha Sieviaryniec.
«Apielacyjny sud pakinuŭ prysud Paŭłu Sieviaryncu bieź źmien. Adzinaje, pieraličyli 1 dzień SIZA za 1,5 dni kałonii, tamu Paša ŭžo paŭtara hoda admataŭ. Zastałosia 5,5, kali padličyć, ale vieru, što Boh padrychtavaŭ dla nas niešta zusim inšaje»
Pavieł Sieviaryniec — apazicyjny palityk, suzasnavalnik partyi Biełaruskaja Chryścijanskaja Demakratyja, piśmieńnik. Byŭ zatrymany supracoŭnikami milicyi 7 červienia pa darozie dadomu. Paśla hetaha ŭ dačynieńni da jaho było vyniesiena, jak minimum, try pastanovy ab administracyjnych aryštach pa 15 sutak kožnaja za ŭdzieł u pieradvybarčych pikietach i zakliki da ŭdziełu ŭ masavych mierapryjemstvach.
25 traŭnia ŭ Mahiloŭskim abłasnym sudzie abviaścili prysud pa kryminalnaj spravie suprać siami palitviaźniaŭ: sustaršyni arhkamitetu pa stvareńni partyi Biełaruskaja chryścijanskaja demakratyja Paŭła Sieviarynca, błohiera Źmiciera Kazłova, hramadskaj aktyvistki Iryny Ščasnaj, aktyvistaŭ «Jeŭrapiejskaj Biełarusi» Jaŭhiena Afnahiela, Paŭła Juchnieviča, Maksima Viniarskaha i Andreja Vojniča. Sud pačaŭsia 12 traŭnia i prachodziŭ u zakrytym režymie, bo, jak tłumačać u sudzie, «materyjały spravy adnosiacca da tajamnicy, jakuju achoŭvaje zakon». U pieršy dzień kala suda zatrymali dvaich žurnalistaŭ i aryštavali ich na «sutki». Palitviaźniaŭ abvinavacili ŭ padrychtoŭcy da ŭdziełu u masavych biesparadkach pa č.1 art. 13 i č. 2 art. 293 Kryminalnaha kodeksa, a Afnahiela i Vojniča — jašče pa č. 3 art. 293 KK. Sudździa Iryna Łančava asudziła palitźniavolenych Paŭła Sieviarynca, Jaŭhiena Afnahiela i Andreja Vojniča da 7 hadoŭ kałonii ŭzmocnienaha režymu, Paŭła Juchnieviča, Dźmitryja Kazłova i Maksima Viniarskaha — da 5 hadoŭ kałonii ŭzmocnienaha režymu, Irynu Ščasnuju — da 4 hadoŭ kałonii ahulnaha režymu.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary