Aŭtar pieśni «Kudy baćka — tudy ja», spartyŭny funkcyjanier ź Viciebska — u mižnarodnym vyšuku
Viciebski šansańje i spartyŭny funkcyjanier Illa Smunioŭ abvieščany ŭ mižnarodny vyšuk u suviazi z kryminalnaj spravaj, paviedamlajuć «Narodnyja naviny Viciebska».
Dla paćvierdžańnia infarmacyi ab tym, što viadomy ŭ Viciebsku śpiavak Illa Smunioŭ nibyta chavajecca ad śledstva paśla dopytu pa spravie inšaha viciebskaha čynoŭnika, «NNV» adpravili zapyt u Ministerstva ŭnutranych spraŭ Rasijskaj Fiederacyi. Ź viedamstva pryjšoŭ adkaz, što 44-hadovy hramadzianin Biełarusi, uradženiec Viciebska Illa Mikałajevič Smunioŭ sapraŭdy znachodzicca ŭ vyšuku pa kryminalnym artykule.
Z 2011 hoda Illa Smunioŭ uznačalvaŭ Viciebski centralny spartyŭny kompleks. Zatym jon staŭ dyrektaram Viciebskaha abłasnoha centra alimpijskaha reziervu pa zimovych vidach sportu, na hetaj pasadzie ŭ jaho i pačalisia prablemy.
U horadzie Smunioŭ bolš za ŭsio viadomy jak aŭtar pieśni «Viciebsk», jakaja ŭ svoj čas časta kruciłasia na miascovych pryvatnych telekanałach. Pačatak tvorčaj karjery Illi Smuniova byŭ źviazany z tak zvanaj «błatnoj lirykaj».
Paźniej u jaho repiertuary źjavilisia pieśni, pryśviečanyja patrulna-pastavoj słužbie milicyi i pracy śledčych.
Apafieozam tvorčaści viciebskaha šansańje staŭ klip «Kudy baćka — tudy ja», stvorany im u 2015 hodzie padčas čarhovych prezidenckich vybaraŭ.
Kamientary