Mama Ramana Bandarenki prakamientavała prypynieńnie rasśledavańnia kryminalnaj spravy i prosić joj dapamahčy
Alena Bandarenka prakamientavała prypynieńnie rasśledavańnia kryminalnaj spravy pa fakcie śmierci svajho syna Ramana. Sprava prypyniena nibyta z-za nievyśviatleńnia asoby, jakaja padlahaje pryciahnieńniu ŭ jakaści abvinavačanaha.
Žančyna paprasiła adhuknucca tych, chto moh znachodzicca 11 listapada 2020 hoda ŭ rajonie Płoščy pieramien u intervale z 22.00 da 24.00. Nahadajem, u hety čas nieviadomyja zahruzili 31-hadovaha Ramana Bandarenku, jaki žyŭ u rajonie «Płoščy pieramien», u mikraaŭtobus i dastavili jaho ŭ Centralnaje RUUS. Jon pamior u balnicy viečaram 12 listapada minułaha hoda.
Nahadajem, prakuratura prypyniła rasśledavańnie abstavin śmierci Ramana Bandarenki ŭ suviazi ź nibyta niemahčymaściu znajści vinavatych. Pakul sprava prypyniena, nielha pravodzić śledčyja dziejańni: dopyty, ahlady, vyjemki i hetak dalej. Možna pravodzić tolki «apieratyŭnyja mierapryjemstvy», kštałtu prasłuchoŭki. Praz 15 hod z momantu prypynieńnia spravy jana pa zakonie pavinna być zakryta za terminam daŭniny.
Pry hetym abjadnańnie byłych siłavikoŭ užo pravodziła ŭłasnaje rasśledavańnie. Jany pieraličyli imiony tych, chto ŭ toj viečar byŭ u dvary na Płoščy Pieramien. Śćviardžajecca, što ich vyličyli pa bilinhu telefonnych numaroŭ.
Pavodle źviestak byłych siłavikoŭ, heta Dźmitryj Baskaŭ, Dźmitryj Šakuta, Natalla Ejsmant, Hanna Ejsmant, Pavieł Voŭčak, Žanietta Voŭčak.
A taksama supracoŭniki SACHR Siarhiej Sarman, Siarhiej Anciufiejeŭ, Aleh Bujkievič, Raman Savienka, Jaŭhien Cimanoŭski.
I supracoŭniki AMAP Rusłan Kulašoŭ i Raman Kryvašein.
Z usich vyšejpieraličanych situacyju prakamientavała tolki viadučaja Hanna Ejsmant. Jana zajaviła, što ŭ momant źbićcia Ramana Bandarenki nie znachodziłasia na Płoščy Pieramien, a była ŭ pramym efiry. Astatnija ad kamientaroŭ ustrymalisia.
-
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie
-
«Hruzija tak i nie stała domam». Ajcišnik nie zmoh pryzvyčaicca da krainy, choć padatak składaje 1%, — ciapier abiraje pamiž Ispanijaj i ZŠA
-
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Ciapier čytajuć
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni10
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary