Ranicaj u Babrujsku małady čałaviek hałavoj raźbiŭ łabavoje škło i faru ŭ dźviuch maršrutak. Pra heta zajaviła aficyjny pradstaŭnik Śledčaha kamiteta Julija Hančarova.
Ranicaj 8 kastryčnika ŭ Babrujsku 20-hadovy małady čałaviek, vyskačyŭšy na prajeznuju častku, paškodziŭ hałavoj łabavoje škło maršrutki, jakaja spyniłasia na śviatłafory, a ŭ inšaj — faru.
Kiroŭcy vyklikali milicyju.
Chłopiec rastłumačyŭ, što pračytaŭ u internecie materyjał ab pavyšeńni imunitetu z dapamohaj sušanych muchamoraŭ i vyrašyŭ pravieryć heta na praktycy. Sabraŭšy ŭ najbližejšym lesie kala 5 kh atrutnych hryboŭ, babrujčanin doma zahruziŭ imi sušyłku dla harodniny. Zatym, jak rekamiendavali ŭ sietcy, niezadoŭha da zdareńnia staŭ prymać muchamory ŭ małych dozach. Pakolki ničoha nie adčuŭ ad užyvańnia «hrybnoha preparata», praz try dni pavialičyŭ daziroŭku.
Dziejańni chłopca kvalifikavanyja pa č. 1 art. 339 KK («Chulihanstva»). Svaju vinu jon pryznaŭ.
Uvaha! Niama nivodnaha aficyjnaha kliničnaha daśledavańnia pa ŭžyvańni muchamora ŭ jakaści srodku dla ŭmacavańnia imunitetu! Nie ješcie atrutnyja hryby — heta niebiaśpiečna dla žyćcia!
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci5
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary