Dorsecki jabłyčny piroh — heta kłasičnaja brytanskaja strava.
Fota depositphotos.com.
Kavałak jabłyčnaha piraha i kubak harbaty — toje, što treba ŭ chałodny vosieński dzień. Prapanujem vam pryhatavać dorsecki jabłyčny piroh pa tradycyjnym anhlijskim recepcie.
Dla piraha nam spatrebicca:
- 150 hram śmietankovaha masła (+5-10 hramaŭ masła, kab zmazać formu)
- 75 hram biełaha cukru ci cukrovaj pudry
- 75 hram karyčnievaha cukru
- ¼ čajnaj łyžki mołataha muskatnaha arechu
- ¼ čajnaj łyžki mołataj karycy
- ¼ čajnaj łyžki soli
- 1 čajnaja łyžka ekstraktu vanili
- 3 jajki
- 175 hram pšaničnaj muki
- 35 hram sucelnaziernavoj muki
- 2 čajnyja łyžki razrychlalniku
- 2 siarednija jabłyki (treba vyrazać ź ich stryžań, źniać skuru i parezać jabłyki na kavałki daŭžynioj u 1 sm)
- 1 čajnaja łyžka kukuruznaha kruchmału
- 15 hram tryśniahovaha cukru
- Razahrejcie duchoŭku da 190 hradusaŭ. Zaścialicie formu dyjamietram 20 sm papieraj dla vypiečki i rastapicie ŭ joj kavałak masła.
- Źmiešvajcie masła, dva vidy cukru, muskatny arech, karycu, sol i ekstrakt vanili ŭ miksiery, pakul sumieś nie stanie śvietłaj i pyšnaj. Dadavajcie ŭ sumieś jajki pa adnym, paśla kožnaha razu dobra ŭźbivajcie sumieś.
- Źmiašajcie ŭ asobnaj miscy dva vidy muki i razrychlalnik, dadajcie drobku soli. Potym pastupova dadavajcie sumieś z muki ŭ sumieś z punktu 2. Pry hetym pastajanna pieramiešvajcie jaječnuju sumieś, kab u joj nie ŭtvarylisia kamiački z muki.
- U asobnaj miscy źmiešvajcie kavałki jabłykaŭ i kukuruzny kruchmał, pakul jabłyki nie buduć im pakrytyja. Dadajcie jabłyki ŭ ciesta z punktu 3.
- Raźmiaścicie ciesta ŭ padrychtavanaj formie i pasypcie jaho tryśniahovym cukram. Vypiakajcie piroh 45 chvilin ci da hatoŭnaści. Jaje možna praviarać z dapamohaj zubačystki — kali vy ŭtykajecie jaje ŭ siaredzinu piraha i jana vychodzić biez reštkaŭ ciesta, heta značyć, što piroh hatovy.
- Dastańcie piroh z duchoŭki i astudzicie, tolki paśla hetaha piroh možna budzie dastavać z formy. Padavajcie jaho z kubkam harbaty ci z uźbitymi viarškami. Piroh možna zachoŭvać u hiermietyčnym kantejniery pry pakajovaj tempieratury na praciahu troch-čatyroch dzion.
Recept na vychodnyja: smažanyja hrudki kački ź inžyram
Recept na vychodnyja: vosieński krambł z kazinym syram i cukini
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary