Dźmitryj Murataŭ pieraličyŭ svaju Nobieleŭskuju premiju dabračynnym arhanizacyjam
Hałoŭny redaktar rasijskaj «Novaj haziety» Dźmitryj Murataŭ, jak i abiacaŭ, pieradaŭ na dabračynnyja patreby prysudžanuju jamu Nobieleŭskuju premiju miru.
«Atrymać premiju było chutčej, čym jaje patracić. Ale my heta zrabili dziakujučy vyraznamu mieniedžmientu banka VTB, supracoŭnikam jakoha ja dziakuju», — raspavioŭ jon u hutarcy sa Znak.com.
Ahulnaja suma premii skłała kala 478 tysiač jeŭra pa kursie (40 młn rasijskich rubloŭ). Hrošy byli raźmierkavanyja pamiž arhanizacyjami, jakich vybirali hałasavańniem siarod «saŭdzielnikaŭ» — čytačoŭ, jakija padtrymlivajuć «Novuju hazietu» danatami.
U vyniku pa piać miljonaŭ rasijskich rubloŭ (60 tysiač jeŭra) było pieraličana dziciačamu chośpisu «Dom z majakom», fondam «Padary žyćcio», «Koła dabra» i «Viera». Jašče dziesiać miljonaŭ rubloŭ (120 tysiač jeŭra) pieradadzienyja ŭ miedycynski fond rabotnikaŭ ŚMI, jaki dapamahaje supracoŭnikam roznych vydańniaŭ u baraćbie ź ciažkimi zachvorvańniami.
Jašče častka srodkaŭ pajšła na stvareńnie filma pra stanovišča presy ŭ Rasii i na premiravańnie niekatorych supracoŭnikaŭ «Novaj haziety». «Zastałosia krychu ŭ jakaści zanački [dla «Novaj haziety»] — ci mała što zdarycca», — dadaŭ Murataŭ.
U nobieleŭskaj pramovie Dźmitryj Murataŭ zhadvaŭ Biełaruś
-
Jeŭrasajuz užo nie havoryć pra «asacyjavanaje členstva» Kanady
-
«Praciahvajcie ruch». U Ispanii abnarodavali zapis pieramovaŭ mašynistaŭ z dyśpietčarami pierad krušeńniem, u jakim zahinuli 68 čałaviek
-
U byłoha kiraŭnika niamieckaj raźviedki, aryštavanaha pa spravie ab dziaržaŭnaj zdradzie, vyjavili rak kryvi
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy37
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary