«Mienšaj pakutaj adbyć prydumany termin, čym raźvitacca z radzimaj». Apublikavany list Andreja Kuźniečyka na vypadak zatrymańnia
Na žurnalista Andreja Kuźniečyka zaviali kryminalnuju spravu. Jaho nie vypuścili z-pad varty amal praź miesiac aryštu na Akreścina. Siońnia apublikavany list žurnalista «Svabody», jaki jon pieradaŭ siabru na vypadak zatrymańnia.
Svajakam Andreja Kuźniečyka paviedamili, što na jaho na zaviali kryminalnuju spravu. Artykuł im nie paviedamlajuć. Ale jany viedajuć, što čakajecca pieravod Andreja Kuźniečyka ŭ minskaje SIZA na vulicy Vaładarskaha.
Andrej Kuźniečyk pierad svaim zatrymańniem pieradaŭ žurnalistu Aramaisu Mirakianu tekst, čamu nia choča źjadžać ź Biełarusi. Siońnia tekst apublikavali:
«Ja z 13 hadoŭ žyvu biełaruščynaj, pastupiŭ na fiłfak dziela jaje, žyŭ i pracavaŭ z aryjentacyjaj na jaje, ciapier mnie za 40, ale sprava nie ŭ tym, što pozna pačynać z nula, sprava ŭ tym, što ja nie chaču zbočvać sa ściežki pracy na karyść biełaruščyny.
U ciapierašnich umovach mnie zdajecca mienšaj pakutaj adbyć u viaźnicy prydumany termin, čym raźvitacca z radzimaj na niapeŭny (až da skonu) čas (choć tut ja mahu fatalna pamylacca ŭ tym, nakolki daloka mohuć zajści represii).
Ja liču, što dzieci, uzhadavaŭšysia ŭ niebiełaruskim asiarodździ, stanuć nośbitami kaštoŭnaściaŭ hetaha asiarodździa, a Biełaruś — adzinaje miesca na Ziamli, dzie hetaje asiarodździe my majem, možam stvarać i raźličvać na jaho.
Ja baču, što pierad susiednimi ź Biełaruśsiu krainami stajać vykliki, jakija mohuć zapatrabavać nie mienšaj achviarnaści, čym ciapierašniaja situacyja patrabuje ad biełarusaŭ siońnia».
***
Andreja Kuźniečyka zatrymali 25 listapada, na nastupny dzień jaho asudzili na 10 sutak, potym jašče dva razy jamu davali pa 10 sutak.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2020
Kamientary