Dačku łyžnika Siarhieja Dalidoviča adchilili ad spabornictvaŭ na hod
Farmalnaj padstavaj, jak paviedamiŭ jaje baćka ŭ Fejsbuku, stała toje, što Darja Dalidovič «špurlała pryzy na spabornictvach», pavodziła siabie nieadpaviednym čynam dla spartsmiena». Ale sam nie sumniajecca, što «dzieci za baćkoŭ atrymlivajuć».
Dalidovič napisaŭ:
«Fiederacyja zrabiła padarunak na Novy hod: deaktyvavała fiskod dačcy Darji i adchiliła na hod ad spabornictvaŭ. Padstavy? Kažuć, špurlała pryzy na spabornictvach, pavodziła siabie nieadpaviednym sposabam dla spartsmiena. Rašeńniem trenierskaj rady, kažuć, adnahałosna pryniata rašeńnie. Našaj trenierskaj tusoŭcy — pryvitańnie! Praz 2,5 miesiacy paśla ŭznaharodžańnia. Biez tłumačeńniaŭ ad spartsmienki. Usio hienijalnaje prosta! Mima junijorskaha ČS i Jeŭrapiejskaha fiestyvala moładzi. Dzicia ŭ ślazach. Kraina dla žyćcia».
Raniej Dalidovič raskazvaŭ, što Darji, taksama, jak i jon sam, łyžnicy, na Minskim Kubku pa łyžarolerach u kastryčniku zamiest pryza za pieršaje miesca, jakoje jana realna zaniała, addali tolki za treciaje. Tady jana ad hetaha pryza admoviłasia.
Sam Siarhiej Dalidovič viadomy pryncypovaj hramadskaj pazicyjaj. Jon nieadnarazova vykazvaŭsia suprać hvałtu, padpisaŭ list za sumlennyja vybary, abaraniaŭ nacyjanalnuju simvoliku.
Łyžnik Dalidovič: Ci fašyst ja, kali vystupaŭ u Lilechamiery ŭ 1994 hodzie pad hetym ściaham?
«Raju ŭsim: haniajcie va ŭsiu moc!» Hutarka z najlepšym biełaruskim łyžnikam časoŭ niezaležnaści Siarhiejem Dalidovičam
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ3
Kamientary