Ekanomika

Pavialičacca kamunałka i padatki, zapracujuć antyzachodnija sankcyi. Što źmienicca z 1 studzienia?

Pahladzieli, što źmienicca ŭ Biełarusi z 1 studzienia 2022 hoda.

Za kamunałku budziem płacić bolš

U 2022-m, jak i ŭ papiarednija hady, dvojčy padnimuć taryfy na žyllova-kamunalnyja pasłuhi. Pieršy etap — z 1-ha studzienia na 11,1 rubla padaražejuć usie pasłuhi, aproč aciapleńnia. Pa padlikach čynoŭnikaŭ, apłata kamunałki za typovuju dvuchpakajoŭku, dzie žyvuć try čałavieki, vyraście pryblizna na piać dalaraŭ u miesiac. Nastupnaje padaražańnie čakajecca z 1-ha červienia — na 3,04 rubla pavysiać taryfy na ciapło, elektraenerhiju, haz, jaki vykarystoŭvajuć na aciapleńnie. 

Z novaha hoda pavialičvajucca taksama taryfy na elektraenierhiju, prykładna na 11%. Za internet i zvanki za miažu sa stacyjanarnaha telefona taksama budziem płacić bolš, «Biełtelekam» pavyšaje staŭki prykładna na 5%.

Padymuć minimalny siaredni zarobak, padtrymajuć biudžetnikaŭ

Z 1-ha studzienia pavialičvajecca minimalny zarobak — da 457 rubloŭ (ciapier jon składaje 418,14 rubla). Taksama padymuć bazavuju staŭku, ad jakoj zaležyć zarobak biudžetnikaŭ — da 207 rubloŭ (ciapier — 198 rubloŭ). 

U dva razy pavialičvajecca adnarazovaja vypłata na azdaraŭleńnie biudžetnikaŭ (było — pałova akładu, budzie — ceły akład rabotnika). Na heta ź biudžetu vydzielać kala 120 miljonaŭ rubloŭ.

Z novaha hoda piedahoham, jakija biaruć kłasnaje kiraŭnictva i kuratarstva, buduć dapłačvać — bazavuju staŭku (207 rubloŭ). 

Pavyšajecca i bazavaja vieličynia, da jakoj pryviazanyja mnohija abaviazkovyja płaciažy i štrafy — da 32 rubloŭ (ciapier — 29 rubloŭ). 

Vychodzim na maksimalny piensijny ŭzrost

Z 1-ha studzienia pavyšajecca piensijny ŭzrost: dla žančyn — 58 hod, dla mužčyn — 63 hady. Ułady dasiahuli pastaŭlenaj u 2017 hodzie mety. Ale mahčyma, heta nie kančatkovaje pavieličeńnie. Čynoŭniki kazali, što piensijny ŭzrost žančyn mohuć jašče padniać. Ekśpierty MVF raili biełaruskim uładam pavyšać piensijny ŭzrost. 

Taksama z novaha hoda na šeść miesiacaŭ pavyšajecca minimalny strachavy staž, nieabchodny dla atrymańnia pracoŭnaj piensii — ciapier heta 18,5 hoda (čas, kali išli adličeńni ŭ Fond sacyjalnaj abarony). Z 2022-ha buduć pa-novamu raźličvać piensii. Pieryjad, za jaki biaruć zarobak, kab raźličyć vypłaty, pavialičvajecca na hod — da 28 hadoŭ niepieraryŭnaha stažu. 

Zapasajemsia pamidorami — zapracujuć antyzachodnija sankcyi 

Z 1-ha studzienia pačynaje dziejničać praduktovaje imbarha suprać zachodnich krain, što ŭviali sankcyi suprać režymu Łukašenki. Pad zabaronaj pradukcyja z krain ES, ZŠA, Kanady, Narviehii, Ałbanii, Isłandyi, Paŭnočnaj Makiedonii, Vialikabrytanii i Irłandyi, Šviejcaryi i Čarnahoryi. Cikava, što choć Sierbija i padtrymała ES u sankcyjnym cisku, jaje pradukcyju biełaruskija ŭłady ŭ adkaz błakiravać nie buduć. 

Voś pra jakija pradukty idzie havorka:

  • miasa (jałavičyna, śvinina, svojskaja ptuška);
  • subpradukty, tłuščy, kaŭbasy, charčovaja muka ź miasa abo miasnych subpraduktaŭ;
  • małako i małočnaja pradukcyja;
  • sadavina, harodnina i arechi;
  • kandytarskija vyraby;
  • sol.

Važna: śpis nie vyčarpalny, bo majecca paznaka «i inšyja pradukty». Ułady abiacajuć, što zmohuć zamianić zachodnija tavary biełaruskimi abo anałahami z krain, jakija nie ŭvodzili sankcyi, taksama praduhledžvajucca kvoty dla peŭnych pastaŭščykoŭ. Jak budzie pracavać novy miechanizm, stanie viadoma ŭžo ŭ 2022-m. Pakul ža niezrazumieła navat, ci trapiać pad zabaronu pradukty jeŭrapiejskich brendaŭ, jakija vyrablajucca, naprykład, u Rasii. 

Novyja padatki

Abnoŭleny padatkovy kodeks pakul nie apublikavany, ale čynoŭniki anansavali, što z 2022 hoda pačnuć spahaniać padatak z kožnaha ŭładalnika kvatery, raniej płacili tyja, chto maje bolš za adnu. Dakładnaja suma stanie viadomaja, kali apublikujuć źmieny ŭ kodeks.

Taksama ŭ płanach — padniać zbory z haspadaroŭ ahrasiadzibaŭ i ramieślenikaŭ. Z 1-ha studzienia prymianiać sproščanuju sistemu nie zmohuć IP, jakija akazvajuć pasłuhi. Vyklučeńnie zrabili dla nastupnych vidaŭ zaniataści:

  • turystyčnaja dziejnaść;
  • dziejnaść u śfiery achovy zdaroŭja;
  • dziejnaść suchaputnaha transpartu;
  • pasłuhi pa hramadskim charčavańni;
  • dziejnaść u halinie kampjutarnaha prahramavańnia.

Staŭka dla astatnich vyraście z 5% da 16%. Častka pradprymalnikaŭ moža pierajści na spłatu adzinaha padatku, kali akazvajucca pasłuhi hramadzianam vyklučna dla asabistych, bytavych, siamiejnych i inšych patreb.

Siamiejny kapitał nie buduć vypłačvać pry ŭsynaŭleńni

Z 1-ha studzienia źmianiajucca praviły atrymańnia siamiejnaha kapitału dla šmatdzietnych siamiej. Dapamohu nie buduć vydzialać pry ŭsynaŭleńni treciaha i nastupnych dziaciej. Minpracy ŭdakładniaje, što ŭ takich situacyjach dziaržava i tak padtrymlivaje siemji.

Taksama z novaha hoda daviadziecca źbirać bolš dakumientaŭ, kab skarystacca mahčymaściu patracić siamiejny kapitał da taho, jak dzicia stanie paŭnaletnim. Jakija kankretna heta dakumienty, ułady pakul nie ŭdakładniajuć. 

Čytajcie taksama: Sudy nad Babarykam i Cichanoŭskim, samalot Ryanair i mihranty, razhrom ŚMI i Andrej Zielcer: hałoŭnyja ludzi i padziei 2021 hoda

Kamientary

Ciapier čytajuć

Stała viadoma pra aryšt papularnaj mastački Aksany Šalapinaj2

Stała viadoma pra aryšt papularnaj mastački Aksany Šalapinaj

Usie naviny →
Usie naviny

Miadźviedzieŭ pryhraziŭ ZŠA vajnoj paśla taho, jak Tramp skaraciŭ termin ultymatumu Pucinu7

Homielskija milicyjaniery vypadkova dadali «ekstremista» ŭ svoj unutrany čat — što jon tam ubačyŭ5

Čamu zdarajucca trahiedyi z byłymi biełaruskimi vajarami ŭ mirnym žyćci? Pra samahubstva dobraachvotnika ŭ Hdańsku i nie tolki8

Ratavalniki ceły viečar šukali rybaka-tapielca ŭ Miadzielskim rajonie. Na nastupny dzień jon viarnuŭsia pa łodku

U elitnym kvartale ŭ centry Minska prapanavali jašče partyju kvater. Cana kvadrata ŭražvaje5

Paśpiachovy šef-kuchar ź Indyi adkryŭ restaran na Kamaroŭcy1

Minabarony pryznała padzieńnie bieśpiłotnika na Minsk9

Minskaja dyzajnierka: Razmaŭlać pa-biełarusku, nie spytaŭšy surazmoŭcu, ci zručna jamu, — śvinstva88

U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom1

bolš čytanych navin
bolš łajkanych navin

Stała viadoma pra aryšt papularnaj mastački Aksany Šalapinaj2

Stała viadoma pra aryšt papularnaj mastački Aksany Šalapinaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić