Naviny.by pierazapuścili telehram-kanał. Ciapier jon nazyvajecca «Pozirk. Naviny ź Biełarusi»
«Ničoha nie mianiajecca, akramia nazvy». Telehram-kanał vydańnia Naviny.by pierajmienavali ŭ «Pozirk. Naviny ź Biełarusi».
Na kanale napisali, što heta «nie rejderski zachop telehram-kanała»: kanałam kiruje kamanda ź ludziej, jakija znachodziacca pa-za Biełaruśsiu i «pryvykli pracavać pa kanonach sapraŭdnaj, a nie siervilnaj žurnalistyki».
«Uvohule, ničoha nie mianiajecca. Akramia adnaho — nazvy. Ciapier jana adlustroŭvaje ŭsio toje, čym słavilisia staryja dobryja «Naviny», — abviaścili ŭ telehram-kanale.
BiełaPAN — najstarejšaja niedziaržaŭnaja infarmacyjnaje ahienctva ŭ Biełarusi. Jano było zasnavanaje 19 listapada 1991 hoda Alesiem Lipajem i paplečnikami. Uviesnu 2002 hoda zapracavała interniet-hazieta Naviny.by.
U studzieni 2021 hoda ŭ redakcyi prajšoŭ pieratrus u ramkach spravy zatrymanaha byłoha namieśnika hiendyrektara Andreja Alaksandrava.
18 žniŭnia 2021 hoda byli zatrymanyja dyrektar i hałoŭny redaktar ahienctva Iryna Leŭšyna i były hiendyrektar Dźmitryj Navažyłaŭ.
12 listapada 2021 KDB pryznaŭ BiełaPAN ekstremisckim farmavańniem, a Irynu Leŭšynu i Dźmitryja Navažyłava abvinavacili ŭ «stvareńni ekstremisckaha farmavańnia». Z taho času sajt i Telegram-kanał nie abnaŭlalisia.
«Trapiŭšy ŭ histaryčnuju miasarubku, my nie stali faršam». Najstarejšamu niezaležnamu ahienctvu navin «BiełaPAN» — 30 hadoŭ
Dźvie najlepšyja redaktarki Biełarusi znoŭ za kratami. Pahladzicie, što jany kazali pra žurnalistyku
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary