«My ‒ niaščasnyja ludzi». Dolščyki minskaj doŭhabudoŭli zapisali videazvarot da Łukašenki
Žychary doma na vulicy Kupreviča, 16 napisali videazvarot da Łukašenki. Ich dom nie mohuć zdać u ekspłuatacyju bolš za dva hady — jon mocna prasieŭ i nachiliŭsia.
Dom pa vulicy Kupreviča, 16 znachodzicca praz darohu ad Muzieja vałunoŭ. U im 235 kvater, jon składajecca z troch siekcyj pa 16 pavierchaŭ, piša realt.by.
Na pieršym paviersie płanavalisia kramy i ofisy. Kala doma ŭźviali 4-uzroŭnievy parkinh na 191 mašynamiesca. Zakazčyk i padradčyk budaŭnictva ‒ Minski domabudaŭničy kambinat.
Pobač ‒ škoła, dziciačy sadok, voziera ‒ «karcinka, dzie my chacieli b žyć», ‒ kaža adna ź siamiej. Ale dom nie zdajuć, bo jon mocna sieŭ i nachiliŭsia. Pieršy raz termin zdačy pieranieśli ŭ pačatku 2020 hoda.
‒ Ja budujusia ŭ pieršaj siekcyi, i naša situacyja samaja sumnaja z usiaho doma, ‒ raspaviadaje na videa mužčyna. ‒ Pa čutkach siekcyja sieła na 18 sm, što, u svaju čarhu, moža pryvieźci da abvalvańnia doma. Ci biaśpiečna tam žyć, my nie viedajem. Navat, kali dom zdaduć, słava ŭ jaho ŭžo takaja, što pradać kvateru budzie niemahčyma.
Ludzi skardziacca na toje, što im nie dajuć nijakuju infarmacyju, «usio davodzicca dzieści samim šukać».
‒ My ničoha nie viedajem. Ad nas infarmacyju chavajuć ci, moža, jany sami ničoha nie viedajuć, ‒ raspaviadaje žančyna. ‒ Skasavać damovu niavyhadna: my stracim hrošy. Niahledziačy na toje, što ŭ damovie prapisana, što my płacim pa kursie i viarnuć hrošy nam taksama abaviazany pa kursie, zabudoŭščyk vypłačvaje pa staŭcy refinansavańnia, dy i jašče ź vialikimi rasterminoŭkami. Za hety čas kurs vyras mocna i našy straty vializnyja. My ekanomili na našych dzieciach. Čamu jany pavinny pakutavać ź niečych pamyłak?
Dolščyki stamilisia čakać. Termin budaŭnictva ŭvieś čas praciahvajuć, niekatoryja čakajuć dom čatyry hady. Jany prosiać Łukašenku ŭziać budaŭnictva pad kantrol. I albo zdać dom, albo atrymać hrošy.
Videazvarot ‒ davoli raspaŭsiudžany žanr. Ale taki videazvarot da Łukašenki siońnia z-za palityčnaj situacyi ŭ krainie vyhladaje niečakanym. Na zastaŭcy dolščyki napisali «Videazvarot dolščykaŭ žyłoha doma pa vuł. Kupreviča, 16 (h. Minsk) da prezidenta Respubliki Biełaruś Alaksandra Ryhoraviča Łukašenki».
«Lepšaje, što ty možaš zrabić u Biełarusi, — heta źjechać ź jaje». Cimanoŭskaja pra kryndž u tyktoku, biznes i «raspakoŭku asoby»
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam u Biełarusi
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary