Łukašenka siońnia sustrakaŭsia z rabotnikami KDB. Pra što jon im kazaŭ
Łukašenka siońnia vystupaŭ pierad rabotnikami KDB.
Pra što jon kazaŭ, cytujem pavodle «Puła pieršaha».
Hibrydnaja vajna
«Što tyčycca toj situacyi, jakaja składvajecca vakoł i ŭnutry Biełarusi — heta tolki viaršynia ajśbierha. Mienavita vy viedajecie hłybiniu i advarotny bok ŭsich srodkaŭ i mietadaŭ ŭździejańnia, nakiravanych na nas. Takich, jak inśpiravańnie dziaržaŭnaha pieravarotu, arhanizacyja terarystyčnych aktaŭ, akcyj pa zastrašvańni nasielnictva, praviadzieńnie ahresiŭnaj infarmacyjnaj vajny, sproby razburyć ekanomiku. Słovam, hibrydnaja vajna. Mienavita takija vojny ŭ sučasnuju epochu buduć va ŭsich kropkach našaj płaniety, kali buduć. I kančatkovaja kropka hetaj hibrydnaj vajny, viadoma ž, vajennaja ahresija. Pakul my da hetaha nie dajšli».
Sankcyi
«Našu ekanomiku, jak i raniej, buduć vypraboŭvać sankcyjami. Ale my možam ich pieraadoleć, my ich pieraadolvajem».
Infarmacyjnaja ahresija
«Sproby zapałochać ludziej i schilić da zdrady, kab dezarhanizavać pracu najbolš bujnych pramysłovych pradpryjemstvaŭ, abjektaŭ transpartu, enierhietyki, suviazi, buduć praciahvacca. Infarmacyjnaja ahresija budzie pavialičvacca. Na dyskredytacyju dziaržavy ŭ vačach nasielnictva kinutyja vielizarnyja resursy».
«Chacieŭ by vydzielić asobna tyja sproby kibierataki, jakija pradprymalisia suprać nas. Heta padobna da bijalahičnaj zbroi, i jašče navat bolš mahutnaj. Nie treba ni tanki, ni kulamioty, ni rakiety vysokadakładnyja. Dastatkova ździejśnić masavanyja kibierataki na ekanamičnyja abjekty, subjekty luboj krainy. I hetaha budzie dastatkova, kab pieraviarnuć krainu. Tamu hetamu kirunku baraćby i KDB, i inšym strukturam treba nadać asablivuju ŭvahu».
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary