U Lidzie z-za ŭspyški hazapavietranaj sumiesi ŭ cysternie zahinuŭ rabočy
Trahiedyja zdaryłasia jašče ŭ kancy maja, paviedamlaje Śledčy kamitet.
U ramontnaj majsterni adnoj z transpartnych kampanij padčas vykanańnia zvaračnych rabot unutry małočnaj cysterny adbyłasia ŭspyška hazapavietranaj sumiesi.
U 52‑hadovy elektrahazazvarščyk zahinuŭ na miescy, a jaho 23‑hadovy naparnik atrymaŭ cialesnyja paškodžańni, jakija nie pryviali da karotkačasovaha razładu zdaroŭja.
Śledčyja ŭstanavili, što 63‑hadovy adkazny za achovu pracy načalnik ramontnaj majsterni daručyŭ vykanańnie rabot unutry jomistaści biez afarmleńnia narada-dopusku i biez praviadzieńnia abaviazkovaj dehazacyi. Pierad hetym u cysternie likvidavali praciok z dapamohaj mantažnaj pieny, ale analiz pavietra na najaŭnaść vybuchovaniebiaśpiečnych rečyvaŭ nie pravodziŭsia.
U dačynieńni da mužčyny zaviedzienaja kryminalnaja sprava pavodle č. 2 art. 306 KK(«Parušeńnie praviłaŭ achovy pracy, jakoje pa nieaściarožnaści paciahnuła śmierć čałavieka»).
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary