Viačasłaŭ Siŭčyk pierakanany, što prablemy ŭ biełarusaŭ u Polščy ŭźnikli mienavita praź pierajezd Ofisa Cichanoŭskaj
«Heta całkam łahičnaja padzieja, a zusim nie pryvatny vypadak», — razvažaje dysident.
Dysident Viačasłaŭ Siŭčyk prakamientavaŭ «Radyjo Racyja» situacyju 21‑hadovaj biełaruski Vieraniki, jakoj u Polščy admovili ŭ mižnarodnaj abaronie. Jaje maci adsiedzieła pa palityčnym artykule dzieviać miesiacaŭ, siastru pratrymali čaćviora sutak, ale na momant ich pieraśledu dziaŭčyna ŭžo była paŭnaletniaj. U jaje ž samoj nie było ni zatrymańniaŭ, ni sudovaha pieraśledu, a na fotazdymkach z pratestaŭ, jakija jana prykłała, nie vidać jaje tvar.
Siŭčyk ža pierakanany, što pryčyna taho, što palaki nie dali mižnarodnuju abaronu dziaŭčynie — pierajezd Ofisa Śviatłany Cichanoŭskaj u Varšavu.
Jon kaža, što hety vypadak — nie asabistaja sprava, a źmiena palityki Polščy ŭ dačynieńni da biełarusaŭ. «Ja aficyjna papiaredžvaŭ, što ŭ biełarusaŭ u Polščy buduć prablemy ŭ suviazi ź pierajezdam ofisa. Vielmi łahičnaja padzieja, a zusim nie pryvatny vypadak», — davodzić Siŭčyk.
Čytajcie: «Hłabalna niama roźnicy pamiž mnoj, Paźniakom i Cichanoŭskaj». Čym siońnia žyvie dysident Viačasłaŭ Siŭčyk — vialikaja hutarka
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary