Aktrysa Viera Palakova, žonka ministra zamiežnych spraŭ Biełarusi Uładzimira Makieja, stała dyrektaram Teatra junaha hledača. Siońnia jaje pradstavili kalektyvu.
Pra heta Zerkalo.io na ŭmovach ananimnaści paviedamili akciory teatra. Viera Palakova źmianiła na hetaj pasadzie Uładzimira Savickaha, zvolnienaha ŭ studzieni hetaha hoda.
U kancy sakavika 2022-ha Palakova paviedamiła ŭ intervju na Pieršym kanale Biełaruskaha radyjo, što joj prapanavali ŭznačalić TIUH.
Aktrysa tady anansavała, što teatr admovicca ad pracy vyklučna na biełaruskaj movie:
«U nas u krainie dźvie dziaržaŭnyja movy. Upiracca tolki ŭ biełaruskuju movu — heta hublać častku hledačoŭ, haściej horada. Bo da nas pryjazdžajuć hości, tyja ž rasijanie, jakija, na žal, nie viedajuć biełaruskaj movy. Čamu my hublajem hetaha hledača?
U nas jość Kupałaŭski, jaki pracuje tolki na biełaruskaj movie. Teatr respublikanskaj dramaturhii (RTBD), jaki pracuje tolki na biełaruskaj movie. <…>. My hetym samym biadniejem.
Ja liču, śpiektakli pavinny być na dźviuch movach: i na biełaruskaj, i na ruskaj. Tady ŭ teatra jość kamiercyjnaja historyja.
(… ) Dziaržava zaŭsiody praciahnie nam ruku dapamohi, ale my nie pavinny siadzieć na hetaj pryščepcy. My pavinny navučycca sami zarablać hrošy. Mnie zdajecca, my sami ad hetaha budziem hanarycca, što zmožam sami zarablać hrošy», — kazała tady Palakova.
U Biełarusi dziejničajuć 29 prafiesijnych teatraŭ. Ź ich vyklučna na biełaruskaj movie na hety momant pracujuć šeść: Kupałaŭski, RTBD, TIUH, Kołasaŭski i Biełaruski teatr «Lalka» (abodva apošnija znachodziacca ŭ Viciebsku), a taksama Biełaruski paetyčny teatr adnaho akciora «Źnič».
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary