Zaŭvažyli na tvary dziŭnyja źmieny? Heta moža być prajava raku lohkich
Rak lohkich — adzin z typaŭ raku, jakija sustrakajucca čaściej za astatnija, ale ž pry hetym i adno z samych surjoznych ankałahičnych zachvorvańniaŭ. Na pieršym etapie hety rak moža raźvivacca bieśsimptomna, ale ž paźniej jaho prajavy mohuć stać davoli vyraznymi — u tym liku i na tvary.
Rak lohkich — heta niekantralavany rost anamalnych kletak u adnym lohkim ci ŭ abodvuch. Adzin ź jaho varyjantaŭ, tak zvanaja puchlina Pankosta, raźvivajecca ŭ vierchniaj častcy lohkaha i moža prajaŭlacca praź simptomy na tvary, piša onet.pl.
Hetyja simptomy abjadnoŭvaje nazva sindrom Hornera. Jon prajaŭlajecca praz poŭnaje ci častkovaje apuščeńnie pavieka, pamiańšeńnie pamieru zrenki ŭ tym ža voku i adsutnaść potavydzialeńnia na adnym z bakoŭ tvaru. Pryčyna takich simptomaŭ — toje, što puchlina ściskaje abo całkam źniščaje nierv, što viadzie da pałovy tvaru, na jakoj prajaŭlajucca simptomy.
Ale ž pry hetym jość i inšyja važnyja simptomy raku lohkich. Heta ŭstojlivy kašal, u tym liku z kroŭju, častaja zadyška, biespryčynnaja stomlenaść i strata vahi, bol padčas dychańnia abo kašlu.
Važna pamiatać, što rak lohkich mocna źviazany z kureńniem: bolšaść tych, u kaho vyjavili hetuju chvarobu — heta kurcy, u tym liku pasiŭnyja, ci jak minimum tyja, chto kaliści mieŭ hetuju škodnuju zvyčku.
Časam rak lohkich taksama raźvivajecca praz uzajemadziejańnie sa škodnymi chimikatami, naprykład, aśbiestam ci nikielem.
Inšyja vidy raku taksama mohuć davać mietastazy ŭ lohkija — u asnoŭnym heta rak hrudziej ci nyrak, a taksama miełanoma.
Daśledavańnie vučonych z amierykanskaha pryvatnaha Univiersiteta Vanderbilda pakazvaje, što admova ad kureńnia moža mocna źnizić ryzyku raku lohkich. Praź piać hadoŭ paśla admovy ad kureńnia ryzyka raku źnižajecca na 39% u paraŭnańni z vypadkami, kali ludzi praciahvajuć kuryć.
Ale ž pry hetym navat praź dziesiacihodździ paśla apošniaj cyharety ryzyka raku lohkich zastajecca pavyšanaj. Naprykład, praz 25 hadoŭ paśla admovy ad kureńnia eks-kurylščyki ŭsio roŭna mieli ŭ try razy bolš šansaŭ atrymać hety vid raku, čym ludzi, jakija nie kuryli nikoli ŭ žyćci.
«Naša Niva» adnaŭlaje zbor danataŭ — padtrymać prosta
Čytajcie taksama:
Nie baiciesia kavidu? Ale voś jašče adna pryčyna nasić maski
Chvaroba Brusa Uilisa: jak raspaznać simptomy afazii i kali źviartacca pa lačeńnie
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary