Ź vieraśnia ŭ litoŭskich škołach Biełarusi bolš nie buduć vykładać na litoŭskaj movie
Ź vieraśnia ŭ litoŭskich škołach Biełarusi bolš nie buduć vykładać na litoŭskaj movie — navučańnie buduć vieści tolki na ruskaj abo biełaruskaj movach, paviedamiła Zerkalo.io sa spasyłkaj na infarmacyjnaje ahienctva BNS.
«Ad biełaruskaha boku pastupiła paviedamleńnie, što z 1 vieraśnia ŭsie škoły dla nacyjanalnych mienšaściaŭ pavinny vybirać movu navučańnia — ruskuju ci biełaruskuju, — paviedamiŭ namieśnik ministra zamiežnych spraŭ Litvy Ehidzijus Miejłunas. — Adnym słovam, litoŭskaja mova zastaniecca tolki pradmietam».
Jon taksama paviedamiŭ, što ŭ ciapierašni čas robiacca namahańni dla taho, kab movaj navučańnia ŭ hetych škołach pa-raniejšamu była litoŭskaja.
«Zakryvajučy škoły, my abmiežavali b lubuju mahčymaść dla suajčyńnikaŭ raźvivać svaju rodnuju movu, tamu my abmiarkoŭvajem i šukajem mahčymaści zachavać mahčymaść navučacca na litoŭskaj movie», — skazaŭ namieśnik ministra.
U ciapierašni čas u Biełarusi jość dźvie litoŭskija škoły — pialaskaja i rymdziunskaja. Pavodle źviestak Ministerstva adukacyi, navuki i sportu Litvy, rymdziunskaja škoła, pabudavanaja ŭ 1996 hodzie na litoŭskija srodki, utrymlivajecca za košt Biełarusi, a pialaskaj škole vyłučaje finansavańnie Litoŭskaje Ministerstva adukacyi.
Litoŭskija dypłamaty apaviaścili Minsk pra toje, što takoje rašeńnie nieprymalnaje, bo parušaje dvuchbakovyja damoŭlenaści i abmiažoŭvaje prava biełaruskich litoŭcaŭ na navučańnie na rodnaj movie.
Adnak Biełaruś zajaviła, što rašeńnie nie budzie źmienienaje, i tamu litoŭskija ŭłady paprasili pra pierachodny pieryjad.
Ciapier čakajecca adkaz ad biełaruskaha boku, kab vučni mahli adaptavacca da novych umoŭ.
Kali ŭ pialaskaj škole nie dazvolać vykładańnie na litoŭskaj movie, budzie razhledžanaje pytańnie ab spynieńni finansavańnia. Pa słovach pradstaŭnika ministra, hetaja situacyja «sumnaja».
U pialaskaj škole 127 vučniaŭ i 23 nastaŭniki, 11 ź jakich źjaŭlajucca hramadzianami Litvy. U rymdziunskaj — 82 vučni i 18 nastaŭnikaŭ, 14 ź jakich źjaŭlajucca hramadzianami Litvy.
Raniej takoje ž rašeńnie było pryniataje i pa polskich škołach u Biełarusi.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy15
Kamientary