Apošni dzień pracy kramy VDOM u minskim handlova-zabaŭlalnym centry «Śpiektr» prypaŭ na 28 vieraśnia, piša Blizko.by.
Kampanija paviedamiła ŭ sacyjalnych sietkach, što paśla dzieviaci hadoŭ pracy historyja VDOM u Biełarusi zaviaršyłasia. Pradstaŭniki sietki padziakavali pakupnikam za davier, padtrymku i vodhuki, adznačyŭšy, što dla ich VDOM była nie prosta kramaj posudu i tavaraŭ dla doma.
Minskaja krama ŭ «Śpiektry» zastavałasia apošniaj paśla zakryćcia 23 vieraśnia mahazina ŭ HC «Civali». U apošnija miesiacy sietka pastupova zhortvała dziejnaść pa ŭsioj Biełarusi. Reštki tavaraŭ raspradavali sa źnižkami ad 70 da 90 pracentaŭ. U pačatku minułaha tydnia spyniła pracu i internet-krama VDOM.
U roznyja hady sietka naličvała da 35 kram. Jany pracavali nie tolki ŭ Minsku, ale i ŭ Viciebsku, Homieli, Hrodnie, Babrujsku, Rečycy, Maładziečnie i Žodzinie.
Pryčyny poŭnaha zakryćcia VDOM kampanija aficyjna pakul nie nazvała. Što adbudziecca ź jaje biznesam i brendam dalej, taksama nie paviedamlajecca.
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy7
Kamientary