Vučonyja znajšli matyvacyju dla mužčyn pazbavicca ad «piŭnoha» žyvata. I heta śmiarotnaja niebiaśpieka
Jość śpiecyfičny typ mužčynskaj fihury, jaki nazyvajuć «piŭnym» žyvatom i źviazvajuć ź vialikim užyvańniem hetaha napoju. Taki žyvot časta robicca pradmietam žartaŭ, ale na samoj spravie jaho ŭładalniku pahražaje vialikaja niebiaśpieka.
Jaje vyśvietlili brytanskija vučonyja, jakija praviali vielizarnaje daśledavańnie z udziełam ažno 2,5 miljonaŭ čałaviek.
Zhodna ź im, tyja, chto maje «piŭny» žyvot, atrymoŭvajuć u dadatak pavyšanuju ryzyku raka prastaty.
U ličbach heta vyhladaje tak: kožnaja prybaŭka ŭ 10 santymietraŭ da talii pavialičvaje na 7% šancy jaje ŭładalnika pamierci ad raka prastaty.
Navukoŭcy ŭličvali i inšyja pakazčyki atłuščeńnia: naprykład, suadnosnaść abjomaŭ talii i ściohnaŭ i pracent tłušču ŭ arhaniźmie, piša The Times.
Daśledavańnie, što dało mahčymaść zrabić takija vysnovy, było pradstaŭlenaje na kanfierencyi European Congress on Obesity u Niderłandach. Tam ža prahučali jašče bolš sumnyja vysnovy ad inšych vučonych, zhodna ź jakimi
praźmiernaja vaha pahražaje abodvum pałam: jaje najaŭnaść pavyšaje ryzyku roznych vidaŭ raka, u tym liku raka matki, hrudziej, nyrak, piečani, žoŭcievaha puchira i kišečnika. U vypadku z rakam matki ryzyka jaho atrymać pavialičvajecca ŭ dva razy.
Sprava jašče i ŭ tym, što miedyki tradycyjna ličać tłušč na žyvacie asabliva škodnym dla zdaroŭja, bo jon akružaje ŭnutranyja orhany. Takija tłuščavyja kletki vyrablajuć markiery zapaleńnia, jakoje ŭ doŭhaterminovaj pierśpiektyvie spryjaje raźvićciu raka.
Skul suviaź pamiž zališniaj vahaj i rakam? Mahčyma, jana śviedčyć pra najaŭnaść pakul nieviadomych nam bijałahičnych miechanizmaŭ, ale, mahčyma, u mužčyn z zališniaj vahaj prosta bolš ciažka vyjavić rak na rańniaj stadyi. Heta źviazana jak ź ciažkaściami pry fizičnym ahladzie takich pacyjentaŭ, tak i z tym, što bijapsii takich pacyjentaŭ i analizy ich kryvi na markier raka mohuć davać psieŭdaniehatyŭnyja vyniki.
Puchlina ŭ takich pacyjentaŭ moža być znojdzienaja zanadta pozna dla taho, kab jaje možna było efiektyŭna vylečyć, i tamu ŭ hetych ludziej budzie pavyšany ŭzrovień śmiarotnaści ad raku.
Samym biaśpiečnym dla mužčyn budzie vieści zdarovy ład žyćcia i mieć abjom talii, nie bolšy za 92 santymietry, a taksama ŭtrymlivać indeks masy cieła nie bolš za 25 (masu cieła ŭ kiłahramach padzialić na kvadrat rostu ŭ mietrach).
«Našu Nivu» finansujuć jaje čytačy — padtrymać prosta
Čytajcie taksama:
Dyjetołahi nazvali najlepšy pradukt dla ludziej z pavyšanym ciskam
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci48
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary