Hramadstva

Siońnia spaŭniajecca 23 hady, jak źnik Juryj Zacharanka

Były ministr unutranych spraŭ Biełarusi hienierał Juryj Zacharanka biasśledna źnik 7 maja 1999 hoda. Na toj momant jamu było 47 hadoŭ.

Čym viadomy Zacharanka?

Juryj Zacharanka ŭvachodziŭ u kamandu Alaksandra Łukašenki na vybarach pieršaha prezidenta Biełarusi. U lipieni 1994 hoda, adrazu paśla vybrańnia Łukašenki, Zacharanku pryznačyli ministram ŭnutranych spraŭ. U kastryčniku 1995-ha Łukašenka adpraviŭ Zacharanku ŭ adstaŭku. A ŭ krasaviku 1996 hoda byłoha ministra ŭkazam Łukašenki panizili ŭ zvańni da pałkoŭnika milicyi i zvolnili z MUS nibyta za hrubyja finansavyja parušeńni i chiby ŭ pracy.

Chutka paśla hetaha Juryj Zacharanka pierajšoŭ na bok apazicyi. U lutym 1998 hoda jon uznačaliŭ kamitet pa biaśpiecy ŭ składzie cieniavoha ŭrada. Viasnoj 1999-ha były paplečnik Łukašenki braŭ aktyŭny ŭdzieł u arhanizavanaj apazicyjaj kampanii pa vybarach prezidenta, uvachodziŭ u kamandu byłoha premjer-ministra Michaiła Čyhira, jeździŭ pa krainie, arhanizoŭvaŭ hrupy pa zbory podpisaŭ.

Što viadoma pra źniknieńnie Zacharanki?

Viečaram 7 maja 1999 hoda Zacharanka źnik pa darozie dadomu. Spravu pa fakcie jaho zabojstva była raspačatali 7 vieraśnia 1999 hoda na padstavie artykuła«Naŭmysnaje zabojstva». Śledstva prypynili ŭ 2013 hodzie.

Viersija Juryja Haraŭskaha

16 śniežnia 2019 hodu Deutsche Welle apublikavała intervju, u jakim Jury Haraŭski, jaki nazvaŭ siabie bajcom biełaruskaha «eskadronu śmierci», raskazaŭ, jak udzielničaŭ u vykradańni i zabojstvie praciŭnikaŭ Alaksandra Łukašenki 20 hadoŭ tamu pad kamandavańniem Dźmitryja Paŭličenki.

Pavodle Haraŭskaha, 7 maja 1999 hoda bajcy śpiecyjalnaha atradu chutkaha reahavańnia Unutranych vojskaŭ MUS Biełarusi vykrali Zacharanku. Na vusny zahad Dźmitryja Paŭličenki pierad vykradańniem za Zacharankam pryblizna paŭtra tydni sačyła hrupa z vaśmi čałaviek. Jany viedali dzie Zacharanka pastavić svaju mašynu i kolki mietraŭ jamu iści ad stajanki da chaty. Čatyry bajcy atradu spynili pa darozie dadomu Zacharanku, jaki byŭ adzin, biez achovy, pradstaviŭšysia supracoŭnikami milicyi. Zacharanka nie supraciŭlaŭsia, tolki skazaŭ vykradalnikam u mašynie, kab zrabiła tak, kab nie było baluča. U mašynie Zacharanku nibyta nadzieli na hałavu «bałdachin», jaki zakryvaŭ vočy.

Zacharanku pryvieźli na vučebnuju bazu ŭnutranych vojskaŭ u rajonie Vałoŭščyny pad Minskam. Jaho zabili sa śpiecyjalnaha pistaleta z hłušylnikam, jaki vykarystoŭvajecca dla vykanańnia śmiarotnych prysudaŭ u Biełarusi. U intervju Haraŭski śćviardžaje, što stralaŭ asabista Paŭličenka, jon nibyta zrabiŭ dva streły ŭ rajon serca. Paśla zabojstva cieła pavieźli ŭ Minsk, na MKADzie mašyna zaviarnuła ŭ bok Paŭnočnych mohiłak. Kamandzir atradu Dźmitryj Paŭličenka zavioz cieła ŭ krematoryj. Što adbyłosia ź ciełam dalej, Haraŭski nie viedaje.

Reakcyja Łukašenki

Paśla pryznańnia Haraŭskaha, Łukašenka 24 śniežnia 2019 hodu zajaviŭ, što nichto akramia jaho nie moh dać kamandu ab vykradańni i zabojstvie palitykaŭ, a jon «nikoli ŭ žyćci nie addavaŭ takuju kamandu» i nie daść ciapier.

Kamientary

Ciapier čytajuć

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški54

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški

Usie naviny →
Usie naviny

U Centralnym parku Homiela časta śpiavaje afrykaniec. Što za jon?4

Zavod «Łuč» vypuściŭ budzilniki z eratyčnymi matyvami24

Pravasłaŭny archijepiskap, jaki vitaŭ Pucina na Alascy, paprasiŭ za heta prabačeńnia4

«Navat u mazhi zaleźli». Łukašenka zajaviŭ, što prajšoŭ poŭnaje miedycynskaje abśledavańnie28

U Vienhryi rascanili ŭśmiešlivy adkaz Zialenskaha adnosna naftapravoda «Družba» jak pahrozy Budapieštu5

Zialenski ŭ dobrym nastroi prakamientavaŭ udary USU pa naftapravodzie «Družba» i reakcyju na heta Vienhryi2

U maskoŭskim «Dziciačym śviecie» adbyŭsia vybuch, paciarpieŭ supracoŭnik FSB2

Jak vyhladaje vyzvaleny eks-mer Chiersona da rasijskaha pałonu i paśla FOTAFAKT3

Jarasłava Jeŭdakimava pachavali na mohiłkach «Lasnyja». Jaho praviali pad «Fantaziora» VIDEA3

bolš čytanych navin
bolš łajkanych navin

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški54

Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški

Hałoŭnaje
Usie naviny →

Zaŭvaha:

 

 

 

 

Zakryć Paviedamić