Minski taksist uziaŭ z žančyny 40 rubloŭ zamiest dziasiatki. Ciapier jaho šukaje padatkovaja
Upraŭleńnie apieratyŭnych mierapryjemstvaŭ inśpiekcyi Ministerstva pa padatkach i zborach u svaim tielehram-kanale raskazała pra atrymanuju skarhu. Taksist pravioz pažyłuju žančynu ad čyhunačnaha vakzała ŭ Minsku da stancyi mietro «Uschod» i ŭziaŭ ź jaje za heta 40 rubloŭ. Skarhu ŭ padatkovuju napisaŭ syn hetaj žančyny, piša «Anłajnier».
Padatkaviki ciapier šukajuć hetaha taksista i kali znojduć, to buduć pryciahvać da adkaznaści. Nazvu słužby jany nie nazyvajuć, «bo ŭpeŭnienyja, što słužba ni pry čym», ale ź jaje kiraŭnictvam źbirajucca na ŭsialaki vypadak pierahavaryć.
Viadoma, što taksist uziaŭ klijenta «ad barta». U vypadku, kali kiroŭca vystupaje jak samastojny pieravozčyk i klijenta znachodzić sam, to i rascenki na svaje pasłuhi jon vyznačaje indyvidualna.
Punkt 169 pastanovy Savieta Ministraŭ Respubliki Biełaruś «Ab niekatorych pytańniach aŭtapieravozak pasažyraŭ» vyznačaje, što pamier płaty za pasadku ŭstanaŭlivajecca aŭtamabilnym pieravozčykam zychodziačy ź jahonych vydatkaŭ, źviazanych z vykanańniem pasadki i vysadki pasažyraŭ, kładki i vyhruzki bahažu i ručnoj pakłažy. Ale ci vykonvaŭ kiroŭca ŭsie prapisanyja patrabavańni?
«Vopyt nam padkazvaje, što taksomietr na radaściach jon zabyŭsia ŭklučyć. My dziejničajem vyklučna ŭ ramkach zakona i pryciahnuć da adkaznaści taksista zmožam tolki za parušeńnie paradku pryjomu najaŭnych hrašovych srodkaŭ», — padkreślili va ŭpraŭleńni.
-
U Puchavickim rajonie pažyłaja žančyna z vazkom pierachodziła čyhunačnyja puci i zahinuła
-
11-hadovy chłopčyk zvaliŭsia ŭ vohnišča ŭ Bierastavickim rajonie
-
«Dźvie vadarodnyja i try hieksahienavyja bomby, a nastaŭnikaŭ i vučniaŭ rasstralajuć». U Minsku padletak adpomściŭ dziaŭčynie za admovu sustrakacca
Kamientary