Ci stralali pa domie staršyni Chocimskaha rajvykankama?

Andrej Pavuk 28 maja patelefanavaŭ na pramuju liniju Chocimskaha rajvykankama i pahavaryŭ ź pieršym namieśnikam staršyni rajvykankama Kiryłam Bystrovym nakont taho, što adbyłosia. Zapis razmovy jość na YouTube-kanale błohiera.

Čynoŭnik skazaŭ, što pa budynku rajvykankama nichto nie stralaŭ. Ale adznačyŭ, što čuŭ pra situacyju na ŭzroŭni čutak.

Niekalki čytačoŭ Zerkalo.io taksama śćviardžajuć, što vypadak usio ž mieŭ miesca paru tydniaŭ tamu. Pa słovach adnaho ź ich, nieviadomy stralaŭ pa voknach słužbovaha doma, dzie žyvie Michaił Kuksiankoŭ. Kala doma staršyni jon bačyŭ šmat milicejskich mašyn, jak ź miascovaha RAUS, tak i z vobłaści, a taksama mikraaŭtobus Śledčaha kamiteta. U domie było pabita škło. Pa słovach susiedziaŭ, stralali ź nieviadomaha vyhladu zbroi ŭ akno. Ci byŭ staršynia doma abo chtości ź jaho blizkich — ludziam nieviadoma.

Prablema ŭ tym, što ŭ asnoŭnym staršyni Chocimskaha rajvykankama pryznačajucca ź inšych rajonaŭ i im dajecca słužbovy dom, jaki znachodzicca daloka ad centra. Tamu hetyja ludzi nie asabliva intehravanyja ŭ miascovuju supolnaść, nie majuć tut svajakoŭ, i daviedacca niešta pra ich žyćcio prablematyčna.

Jašče adzin čytač raskazaŭ, što ŭsio adbyvałasia kala paŭnočy. Byccam by stralali niekalki razoŭ, škło nie vysypałasia, zastalisia adtuliny. Nibyta za heta navat zatrymali dvuch čałaviek, adnaho ź ich potym adpuścili.

Žychary Chocimska vykazvajuć niekalki viersij, čamu heta mahło adbycca. Niechta kaža pra pomstu, niechta pra toje, što staršyniu «prosta chacieli papałochać». 

Pry hetym kamu jon moh nie dahadzić — skazać składana, miascovyja pra jaho ničoha błahoha nie kažuć, viertykalščyk davoli adekvatny. Nie vyklučajuć niejki rasijski śled, bo da Rasii adsiul usiaho 10 kiłamietraŭ.

Namieśnik staršyni Chocimskaha rajvykankama Mikałaj Chučaŭ zapeŭniŭ, što ź Michaiłam Kuksiankovym usio ŭ paradku i jon na pracy, a stralba pa im — tolki plotki. Pa budynku rajvykankama nichto nie stralaŭ, a što tyčycca doma, to čynoŭnik «tam nie byŭ».

U Chocimskim rajonnym adździele ŭnutranych spraŭ na pytańnie, ci mieŭ miesca vypadak z abstrełam doma staršyni rajvykankama, dziažurny supracoŭnik adkazaŭ, što ŭ rajadździele nie mohuć dać takija źviestki.

Michaiłu Kuksiankovu 42 hady, sam jon rodam sa Škłova. Na pasadu staršyni Chocimskaha rajvykankama jaho pryznačyli 18 sakavika 2020 hoda, a da hetaha Kuksiankoŭ pracavaŭ u Škłoŭskim rajvykankamie, byŭ načalnikam upraŭleńnia pa sielskaj haspadarcy i charčavańni, namieśnikam staršyni, a taksama pieršym namieśnikam staršyni. Z 2015 hoda i da pracy ŭ Škłoŭskim rajvykankamie jon pracavaŭ dyrektaram Babrujskaha handlovaha centra Mahiloŭskaha abłspažyŭsajuza.

• 9
• 0
• 3
• 0
• 4
• 1
• 2
• 0