Hienštab Ukrainy: Zamiežnyja dobraachvotniki — nie najmity, a kambatanty
Hienieralny štab Uzbrojenych siłaŭ Ukrainy vystupiŭ z zajavaj nakont statusa zamiežnych hramadzian i asob biez hramadzianstva, jakija ŭdzielničajuć u bajavych dziejańniach na terytoryi Ukrainy u składzie ŭkrainskaha vojska. Padkreślivajecca, što ŭsie jany dobraachvotna padpisali kantrakty i byli pryniatyja na vajskovuju słužbu, zhodna ź dziejnym zakanadaŭstvam.
Tamu hetyja ludzi «źjaŭlajucca vajskoŭcami Uzbrojenych siłaŭ Ukrainy, na jakich… pašyrajecca pravavy status kambatantaŭ», — havorycca ŭ zajavie sa spasyłkaj na Ženieŭskuju kanviencyju.
«Hety status, miž inšym, nadaje takim asobam prava na abychodžańnie ź imi jak z vajennapałonnymi ŭ vypadku patraplańnia ŭ ruki voraha», — piša ŭkrainski Hienštab. A tamu «nievykanańnie adpaviednych normaŭ mižnarodnaha humanitarnaha prava źjaŭlajecca surjoznym parušeńniem kanviencyi».
Ženieŭskija kanviencyi 1949 hoda zabaraniajuć lubyja niezakonnyja akty, u tym liku hvałt, zapałochvańnie abo biaździejnaść u dačynieńni da vajennapałonnych i abaviazvajuć da humannaha abychodžańnia z vajskoŭcami, jakija znachodziacca ŭ pałonie.
Paśla pačatku ahresii Rasii vajavać za Ukrainu pryjechali tysiačy dobraachvotnikaŭ ź inšych krainy, jakija skłali Internacyjanalny lehijon. Niekatoryja ź ich patrapili ŭ rasijski pałon, dzie ich nazyvajuć «najmitami» i sudziać. Hetaja zajava vydadzienaja z metaj abarony hetych ludziej.
Aktualnaja jana siarod inšaha i dla biełaruskich dobraachvotnikaŭ, jakija siońnia abaraniajuć sa zbrojaj u rukach Ukrainu.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary