Červień — čas kłubnic. Jahady pa krainie skuplajuć tonami, a za raz niekatoryja zjadajuć kiłahramy — ź viarškami, śmiatanaj i biez. Onliner pahutaryŭ z nutrycyjołaham Julijaj Ajzienman i daviedaŭsia, u čym karyść kłubnic, kolki možna źjeści za raz i z čym spałučać.
Jakaja karyść?
Pa-pieršaje, pa składzie jany zusim biasškodnyja, a pa-druhoje, vy atrymoŭvajecie masu karysnych rečyvaŭ.
— Kłubnicy składajucca z vady i roznych prostych vuhlavodaŭ nakštałt hlukozy i fruktozy. Akramia taho, hetyja jahady źmiaščajuć klatčatku i vałokny, karysnyja dla kišečnika, — kaža Julija Ajzienman. — U dadatak u jahadach jość mnostva antyaksidantaŭ, jakija spryjajuć adnaŭleńniu abmienu rečyvaŭ.
I čym jahada čyrvaniejšaja, tym u jaje składzie bolš tych samych antyaksidantaŭ.
Jość u kłubnicach i vitamin S, nieabchodny dla zdaroŭja sardečna-sasudzistaj sistemy i narmalnaha arteryjalnaha cisku, kalij i folijevaja kisłata. Jana, u svaju čarhu, važnaja dla pravilnaha dzialeńnia kletak i nadzvyčaj nieabchodnaja ciažarnym žančynam, jakim hiniekołahi jaje dadatkova prapisvajuć. Jana źnižaje ryzyku raźvićcia patałohij pry farmavańni płoda. U cełym hetaja jahada spryjaje zdaroŭju sardečna-sasudzistaj sistemy, narmalizuje ŭzrovień cukru ŭ arhaniźmie.
U Biełarusi jeści śviežuju harodninu i sadavinu ceły hod składana, tamu niama ničoha drennaha ŭ tym, kab letam spažyvać šmat jahad.
Zhodna ź niekatorymi daśledavańniami, kłubnicy praduchilajuć raźvićcio katarakty, ślepaty, jakaja prahresuje, a jašče spryjajuć prafiłaktycy rakavych zachvorvańniaŭ.
Ich, darečy, možna jeści dyjabietykam, bo jany nie sadziejničiuć rezkamu pavyšeńniu ŭzroŭniu cukru ŭ kryvi i ŭvachodziać u dyjetyčnaje mieniu.
A ŭ jakich abjomach varta spažyvać?
Kałaryjnaść jahady nievysokaja — usiaho tolki 32 kkał na 100 h praduktu. Heta mienš, čym u maliny (53 kkał), čarešni (52 kkał), durnic (35 kkał), ažyn (43 kkał) i čarnic (57 kkał).
— Składana skazać, ci možna pierajeści kłubnic. Ale naŭrad ci chtości za dzień ich moža spažyvać kiłahramovymi dozami, — razvažaje Julija. — Mnie navat zdajecca, što i paŭkiłahrama hetych jahad źmiaścić u siabie dosyć ciažka.
Ci varta ich jość u spałučeńni sa śmiatanaj ci viarškami?
Kali vy imkniaciesia pachudzieć, to z takim łasunkam treba być aściarožnymi.
— Sami pa sabie kłubnicy kałaryjnymi nie zjaŭlajucca. Ale kali da ich dadać dosyć tłustyja śmiatanu i viarški, to kałaryjnaść značna pavysicca, i z takoj stravaj lepš za ŭsio nie pierabirać, — tłumačyć nutrycyjołah. — Akramia taho, mnohija dadajuć cukar, što taksama pavialičvaje kałaryjnaść praduktu.
Jašče adzin lubimy pradukt — kłubničny kampot. Heta, biezumoŭna, smačny napoj, ale treba razumieć, što vitamin S źniščajecca pry ŭździejańni tempieratury, i kali žadajecie atrymlivać maksimalnuju karyść ad jahad, to lepš ich jeści ŭ śviežym vyhladzie. Abo adrazu paśla razmarozki — u takim vyhladzie karysnyja ŭłaścivaści zachoŭvajucca.
A ci jość niepieranosnaść kłubnic?
Ludziej, u jość jakich alerhija na hetyja jahady, chapaje. U tym liku siarod dziaciej.
— Tamu, kali vy ŭpieršyniu dajacie dzieciam jaje pakaštavać, rabicie heta z aściarožnaściu, — raić śpiecyjalist.
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku90
Kamientary