U Ńju-Jorku napali na piśmieńnika Sałmana Rušdzi, udaryli nažom u šyju
U Ńju-Jorku nieviadomy napaŭ z nažom na brytanskaha piśmieńnika, łaŭreata Bukieraŭskaj premii Sałmana Rušdzi, čyje knihi ŭ Iranie zabaronienyja, a sam jon bolš za 30 hadoŭ byŭ zavočna prysudžany da pakarańnia śmierciu. Napadnika zatrymali, pra stan Rušdzi pakul niama viestak, paviedamlaje Reuters.
Rušdzi padvierhnuŭsia napadu, kali źbiraŭsia pračytać lekcyju ŭ Instytucie Čaŭtakua ŭ Ńju-Jorku. Pa słovach vidavočcaŭ, na scenu vybieh mužčyna z nažom i pačaŭ «bić abo kałoć» piśmieńnika. Napadnik zatrymany.
Palicyja štata Ńju-Jork paviedamiła, što Rušdzi atrymaŭ nažavoje ranieńnie ŭ šyju i byŭ dastaŭleny na viertalocie ŭ balnicu, jaho stan pakul nieviadomy.
Sałman Rušdzi — brytanski piśmieńnik indyjskaha pachodžańnia. Jahony raman «Sataninskija vieršy», jaki vyjšaŭ u 1988 hodzie, vyklikaŭ pratest u musulmanskim śviecie, bo adzin ź piersanažaŭ śpisany z praroka Muchamieda.
Tahačasny iranski ajatała Chamiejni publična praklaŭ Rušdzi ŭ svajoj fietvie i prysudziŭ jaho da śmiarotnaha pakarańnia. Za zabojstva piśmieńnika była pryznačanaja ŭznaharoda ŭ 3 młn dalaraŭ. Hetaja zajava pryviała da razryvu dypłamatyčnych adnosin pamiž Vialikabrytanijaj i Iranam.
Rušdzi — łaŭreat Bukieraŭskaj premii za raman «Dzieci paŭnočy». U 2007 hodzie karaleva Vialikabrytanii Lizavieta II prysvoiła jamu rycarski tytuł za zasłuhi pierad litaraturaj.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary