Chto tyja dziaŭčaty, jakija «vypadkova» apynulisia ŭ Mak.by padčas vizitu Łukašenki?
8 sakavika padčas naviedvańnia Alaksandram Łukašenkam restarana Mak.by internet-karystalniki źviarnuli ŭvahu na pryadzietych dziaŭčat, jakija siadzieli za jaho śpinaj i jeli, ale pry hetym nie byli padobnyja da zvyčajnych naviedvalnic. Vydańnie «Lusterka» daviedałasia, chto jany.
U restaracyju z Łukašenkam pryjšła davoli vialikaja kampanija: sam palityk, niekalki jaho achoŭnikaŭ, namieśnik premjer-ministra Mikałaj Snapkoŭ, jaki sprabavaŭ za jaho zapłacić. Za adnym stałom z Łukašenkam siadzieli žurnalisty praŭładnych ŚMI, u tym liku Iłona Krasuckaja z telekanała «Biełaruś 1» i Ihar Tur z ANT.
Na kadrach aficyjnaj chroniki možna taksama bačyć staršyniu Minharvykankama Uładzimira Kucharava, biznesoŭca Siarhieja Ciacieryna, jakoha źviazvaje ščylnaje siabroŭstva z Łukašenkam, asabistuju doktarku palityka Śviatłanu Kanašenku i špica Umku, jaki ŭžo nie ŭpieršyniu lažaŭ na stale.
Adnak karystalniki TikTok źviarnuli ŭvahu na dźviuch maładych dziaŭčat, jakija trapili na zadni płan videa pres-słužby Łukašenki. Jany sprabavali pavodzić siabie jak zvyčajnyja naviedvalnicy restarana, u niejki momant pačali jeści. Pry hetym abiedźvie čas ad času pazirali ŭ kamiery.
Na inšych kadrach možna zaŭvažyć, što za śpinaj palityka za stolikami siadziać tolki prycharošanyja dziaŭčaty.
«Dziaŭčaty na zadnim fonie jak u restaracyi», — adznačyŭ adzin z karystalnikaŭ.
«Nastupnym razam papiaredźcie aktorak u kamiery nie hladzieć», — pažartavaŭ inšy
«Cikava, jak prachodziŭ kastynh na rolu naviednic», — pacikaviŭsia treci.
«Lusterka» vyśvietliła, što za dziaŭčaty apynulisia ŭ restaranie padčas vizitu Łukašenki. Jany abiedźvie — byłyja ŭdzielnicy konkursaŭ pryhažości i, vidavočna, supracoŭnicy słužby pratakoła pry palityku.
Naviedvalnica źleva — Anastasija Niekraševič. Dziaŭčyna rodam z Homiela, ciapier joj 21 hod. Anastasija — pijanistka, atrymlivała ŭznaharody na roznych tvorčych konkursach i premiju śpiecfondu Łukašenki ŭ padtrymcy talenavitaj moładzi. U 2023 hodzie dziaŭčyna pastupiła ŭ Biełaruskuju dziaržaŭnuju akademiju muzyki na fartepijanny i kampazitarska-muzykaznaŭčy fakultet.
Taksama Anastasija ŭdzielničaje ŭ roznych konkursach pryhažości. U kancy 2023 hoda jaje pryznali «Mis Akademijaj muzyki», paśla na konkursie «Karaleva Studenctva» joj dastałasia karona pieršaj vice-mis. U 2025 hodzie studentka ŭziała ŭdzieł u konkursie «Mis Minsk» i vyjhrała tytuł «Mis sport».
A jašče Anastasija, vidavočna, pracuje ŭ słužbie pratakoła pry Łukašenku i sustrakaje haściej na aficyjnych mierapryjemstvach. Studentku ŭ nacyjanalnym kaściumie možna bačyć na kadrach z sustrečy prezidenta Uźbiekistana Šaŭkata Mirzijojeva i vizitu prezidenta Kazachstana Kasyma-Žamarta Takajeva ŭ Minsk u červieni 2025 hoda.
Anastasija Niekraševič (sprava) udzielničaje ŭ sustrečy aficyjnaj delehacyi z Uźbiekistana. Aeraport Minsk, červień 2025 hoda. Fota: BiełTA
Druhaja «vypadkovaja» naviedvalnica Mak.by — Lizavieta Kazak. Joj 20 hadoŭ, jana studentka fakulteta mižnarodnych ekanamičnych adnosin BDEU. U minułym jana pryśviaciła 12 hadoŭ balna-spartovym tancam, a paźniej zachapiłasia čyrlidzinham. Lubić čytać kłasičnuju litaraturu.
Lizavieta ŭdzielničała ŭ konkursie «Mis BDEU», a taksama dajšła da finału «Mis Biełaruś» u 2023 hodzie, adnak zastałasia biez karony.
Studentka brała ŭdzieł u sustrečy Łukašenki z moładzievym aktyvam i navat zadała jamu pytańnie. Tady jaje cikaviła, «ci ŭsim zadavoleny kiraŭnik dziaržavy ŭ Pałacy Niezaležnaści i ci jość u jaho lubimaja zała».
Ciapier Lizavieta pradstaŭlajecca ŭ Instagram jak madel. Imavierna, jana taksama pracuje ŭ słužbie pratakoła pry Łukašenku. Jaje možna bačyć z karavajem na kadrach uručeńnia dziaržaŭnych uznaharod pieradavikam ahrapramysłovaha kompleksu ŭ listapadzie 2025 hoda.
Inšyja «zvyčajnyja» ludzi padčas vizitu Łukašenki ŭ restaranie taksama byli. Da taho jak pačać jeści, palityk padyšoŭ da kampanii z pytańniem: «Heta narod, jaki haładaje?» Jon pasprabavaŭ vyśvietlić, ci sami jany pryjšli, ale nie atrymaŭ vyraznaha adkazu.
Ludziej za hetym stolikam sapraŭdy nielha nazvać publičnymi, padobna, što jany i nie siłaviki. Cikava, što čałaviek z takim samym imiem, jak u adnaho z tych, što siadziać za stolikam, pracuje ŭ dziaržaŭnym abjadnańni «Staličny handal i pasłuhi». Vidać, kampanija, jakaja zazirnuła ŭ restaran, taksama pa pracy.
Stała viadoma, chto raspracavaŭ soft dla terminała, jaki admoviŭsia absłuhoŭvać Łukašenku
Łukašenka namiaknuŭ, što ŭ Minsk chutka znoŭ pryjeduć amierykancy
Pry naviedvańni Łukašenkam Mak.baj nie abyšłosia biez Umki na stale FOTAFAKT
Łukašenka zahadaŭ pierajmienavać u Biełarusi kavu amierykana
«Što, iznoŭ nie apłačana?» Pierad Łukašenkam u Mak.baj chvalilisia cuda-aparatam, jaki pry im admoviŭsia pracavać
Łukašenka 8 sakavika pryjechaŭ u «Mak.baj» FOTY
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary