Adkul BiełTA daviedacca pra śmierć narodnaha artysta Biełarusi, kali pra heta nie pišuć «RIA Novosti»?
Historyk Alaksandr Paškievič u fejsbuku pryvodzić prykład taho, nakolki dziaržaŭnaje infarmahienctva BiełTA zaviazanaje na Maskvu navat u śfierach, jakija niepasredna nie tyčacca prapahandy.
Nie pieršy raz takoje naziraju ŭžo. Voś učora pamior narodny artyst Biełarusi Uładzimir Ivanoŭ. Śfiera mastactva, u jakoj jon pracavaŭ — balet, mastactva nie samaje narodnaje. Tamu, viadoma, šyrokim narodnym masam jaho imia, niahledziačy na hučnaje hanarovaje zvańnie, ničoha nie kaža. Ale ŭsio ž taki narodny artyst Biełarusi, čałaviek z mnostvam zasłuh. I dziaržaŭnyja infarmacyjnyja ahienctvy prynamsi zhadać pra śmierć to musili b, inakš jakija ich funkcyi?
Na BiełTA, adnak — ni słova. Choć uvohule pra śmierci viadomych ludziej jano paviedamlaje rehularna. Voś tolki za apošnija dva dni — try paviedamleńni:
«Umier riežiśsier Vładimir Krasnopolskij, soobŝili v Sojuzie kiniematohrafistov RF»
«Umierła Łuiza Fletčier, ihravšaja v filmie «Proletaja nad hniezdom kukuški»
«Umier vośmikratnyj čiempion SSSR po chokkieju Valentin Sieniuškin».
I takaja situacyja, kali pahladzieć dalej, pastajannaja. Pra śmierci navat treciašarahovych rasijskich i choć by bolš-mienš viadomych inšych zamiežnych dziejačaŭ infarmacyju možna znajści, a biełaruskija jak i nie pamirajuć nikoli (jano to dobra było b, ale słaba vierycca).
Apošniaje paviedamleńnie na BiełTA pra śmierć biełarusa — 9 žniŭnia pra Śluńkova. A pra śmierci rasiejcaŭ (pieradusim) i inšych inšaziemcaŭ za hety čas — dziasiatki.
I nie abaviazkova tut śviadomaje zamoŭčvańnie. Mnohija ź viadomych biełarusaŭ, jakija pamirajuć, nijakija nie «zmahary» i nie «biehłyja», zhadak pra jakich śviadoma paźbiahajuć. Jość i zvyčajnyja ludzi, jakija kali ŭładam i nie słavasłovili, to i na barykady nie leźli. Možna było b pra ich i napisać.
Ale ž heta treba infarmacyju źbirać, apracoŭvać. A navošta heta, kali jość RIA Novosti ci TASS, adkul možna ŭsio pierapościć? Voś i pierapoščvajecca pra śmierć aŭtara słoŭ da pieśniaŭ Hryhoryja Lepsa ci pra apierataraŭ jakich-niebudź savieckich filmaŭ. A pra biełaruskich navat narodnych artystaŭ «RIA Novosti» ničoha nie pišuć, to adkul i BiełTA pra ich śmierć daviedacca?
-
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie
-
«I znoŭ kulhavy dyjabietyk z pastajannaj zadyškaj vyžylvajecca dy pniecca pakazać, što jon nie tolki hihant dumki»
-
Taktyka «mir praź siłu» — pryvileja vialikich dziaržaŭ. Što pakazvaje historyja z šarami na biełaruska-litoŭskaj miažy
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary