U Minsku žančyna pryjšła ŭ carkvu i abakrała tam starastu prychodu
U Minsku na razhlad u sud nakiravali kryminalnuju spravu suprać 51‑hadovaj žycharki stalicy, jakuju abvinavačvajuć u kradziažy, paviedamlaje ahienctva «Minsk-Naviny».
Jak paviedamili ŭ prakuratury Frunzienskaha rajona, žančyna, znachodziačysia ŭ niećviarozym stanie, prachodziła kala chrama śviatoj roŭnaapostalnaj Niny na vulicy Charkaŭskaj. Ź cikavaści jana zajšła ŭsiaredzinu i zaŭvažyła na łaŭcy barsietku. Ź jaje žančyna vyniała kašalok i vyciahnuła 525 rubloŭ i 60 dalaraŭ, jakija paźniej patraciła.
Paciarpiełym akazaŭsia starasta prychodu, jaki ŭ toj viečar dapamahaŭ z ramontam u chramie. Paśla zvarotu ŭ milicyju asobu złačyncy ŭstanavili dziakujučy kamieram videanazirańnia.
Vyśvietliłasia, što abvinavačanaja nidzie nie pracuje i ŭžo mieła sudzimaści — u tym liku za kradziež i naniasieńnie ciažkich cialesnych paškodžańniaŭ baćku, što pryviało da jaho śmierci (sudzimaść pahašanaja).
Žančynu abvinavačvajuć u kradziažy pavodle art. 205 Kryminalnaha kodeksa. Jana całkam pryznała vinu, ale škodu nie kampiensavała. Pavodle zaklučeńnia ekśpiertaŭ, abvinavačanaja maje patrebu ŭ prymusovym lačeńni ad chraničnaha ałkahalizmu.
Na čas śledstva joj abrali mieru strymańnia — padpisku ab niavyjeździe i naležnych pavodzinach.
U Bierazinie niećviarozy mužčyna skraŭ z carkvy moščy śviatoha Śpirydona
U Minsku pabudujuć carkvu ŭ hruzinskim styli. Jaje architektar prajektuje chramy na akupavanych terytoryjach Ukrainy
Sinod BPC vystupiŭ z zvarotam u suviazi ź nibyta hanieńniami na Ukrainskuju pravasłaŭnuju carkvu Maskoŭskaha patryjarchata
U Hrodzienskaj turmie adkryli pravasłaŭnuju carkvu
Kamientary