Złučanyja Štaty Amieryki praviali vyprabavalny zapusk mižkantynientalnaj balistyčnaj rakiety Minuteman III biez bajavoj častki. Jak paviedamili ŭ Kamandavańni kaśmičnych sił ZŠA, zapusk adbyŭsia 5 listapada ŭ 01:35 pa cichaakijanskim časie z avijabazy Vandenbierh u Kalifornii.
Rakieta pralacieła kala 6700 kiłamietraŭ i dasiahnuła palihona na atole na Maršałavych astravach. Pavodle danych vajskoŭcaŭ, vyprabavańnie było płanavym i pryznačałasia dla pravierki nadziejnaści, dakładnaści i bajavoj hatoŭnaści kompleksu Minuteman III, maksimalnaja dalokaść jakoha składaje kala 9500 kiłamietraŭ.
U Kamandavańni kaśmičnych sił ZŠA padkreślili, što zapusk nie maje dačynieńnia da niadaŭniaj zajavy Donalda Trampa adnosna mahčymaha adnaŭleńnia jadziernych vyprabavańniaŭ u ZŠA.
Tym časam prezident Rasii Uładzimir Pucin daručyŭ MZS, Ministerstvu abarony, śpiecsłužbam i inšym viedamstvam padrychtavać prapanovy nakont mahčymaści adnaŭleńnia jadziernych vyprabavańniaŭ — upieršyniu za apošnija 35 hadoŭ. Pra heta jon paviedamiŭ padčas narady z pastajannymi členami Rady biaśpieki ŭ Kramli.
Pa słovach Pucina, usie hetyja struktury pavinny sabrać dadatkovuju infarmacyju, praanalizavać jaje i pradstavić uzhodnienyja prapanovy ab tym, ci varta pačynać padrychtoŭku da vyprabavańniaŭ.
Ministr abarony Andrej Biełavusaŭ prapanavaŭ pačać padrychtoŭku da poŭnamaštabnych vyprabavańniaŭ na palihonie Novaja Ziamla ŭ Archanhielskaj vobłaści, dzie apošni jadzierny vybuch adbyŭsia ŭ 1990 hodzie.
Raniej Pucin zajaŭlaŭ pra zaviaršeńnie vyprabavańniaŭ rasijskich jadziernych raspracovak — rakiety «Buravieśnik» i jadziernaj tarpiedy «Pasiejdon».
Na hetym tydni ZŠA praviaduć vyprabavańnie mižkantynientalnaj balistyčnaj rakiety
Jadziernyja mižkantynientalnyja balistyčnyja rakiety robiacca nieprydatnymi našmat chutčej, čym ličyłasia raniej
Miadźviedzieŭ pahražaje ścierci Bielhiju ź ziamli
Biełaruś zabiaśpiečvaje techničnaje absłuhoŭvańnie elemientaŭ rasijskich stratehičnych jadziernych sił — «Biełpoł»
Kamientary