U Baranavičach zatrymali namieśnika dyrektara kramy za pavyšeńnie cany na 13%
Baranavickaja mižrajonnaja prakuratura zaviała kryminalnuju spravu ŭ dačynieńni da namieśnika dyrektara adnaho z handlovych abjektaŭ pavodle art. 424 KK («Złoŭžyvańnie słužbovymi paŭnamoctvami»). Padazravanaha zatrymali.
Jak paviedamlaje pres-słužba Hienprakuratury, namieśnik dyrektara 7 kastryčnika pavysiŭ canu na adzin z charčovych tavaraŭ na 13%, choć viedaŭ pra dyrektyvu ab niedapuščalnaści rostu cen.
Jamu ciapier pahražaje da 10 hadoŭ pa artykule za «złoŭžyvańnie słužbovymi paŭnamoctvami».
6 kastryčnika Alaksandr Łukašenka zapatrabavaŭ spynić rost cen. Była vydadzienaja adpaviednaja dyrektyva, za vykanańniem patrabavańnia sočać supracoŭniki Ministerstva antymanapolnaha rehulavańnia i handlu, KDK i prakuratury.
Siońnia Łukašenka zajaviŭ, što masavych parušeńniaŭ nie vyjaŭlena. «Tolki ŭ niekatorych z tysiač pravieranych abjektaŭ, tolki ŭ dziasiatcy vyjavili nievialiki rost cen. Pa ŭsich faktach raspačatyja kryminalnyja spravy», — skazaŭ jon.
Čytajcie taksama:
Za pavyšeńnie cen užo zaviedzienaja pieršaja kryminalnaja sprava
«Rytejł pieražyvie pieršy čas, ale realizacyja — chaos»: handlovyja sietki ŭ razhublenaści paśla papulizmu Łukašenki
Łukašenka raspavioŭ, što budzie dalej z maratoryjem na rost cen
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary