Što treba rabić, kab nie zarazicca hrypam u pieryjad uzdymu zachvorvańnia na VRI
Uzdym zachvorvańnia na vostryja reśpiratornyja infiekcyi (VRI), jak praviła, prypadaje na vosień i zimu. Što treba rabić, kab nie zarazicca hrypam u hety pieryjad, pišuć «Minsk-Naviny».
Intensiŭnaść, častata i daminavańnie peŭnych virusnych infiekcyj zaležać ad pary hoda i asablivaściaŭ klimatu. Najbolš raspaŭsiudžanyja — virusy hrypu, parahrypu, adenavirusy, karanavirusy, mietapnieŭmavirus čałavieka, reśpiratorna-sincytyjalny virus, rynavirusy čałavieka, bakavirusy.
— Virusy hrypu ŭnikalnyja, pakolki jany vyklikajuć štohadovyja epidemičnyja ŭzdymy zachvorvańnia, a taksama prymajuć formu pandemičnaha raspaŭsiudžvańnia z uciahvańniem u epidemičny praces nasielnictva ŭsich uzrostaŭ, — padkreśliła Maryja Navyšnaja, doktar-epidemijołah supraćepidemijałahičnaha adździaleńnia Minskaha haradskoha centra hihijeny i epidemijałohii.
Charakternymi simptomami VRI źjaŭlajucca: rezkaje pavyšeńnie tempieratury da 39-40 °C, suchi kašal, zakładzieny nos, hałaŭny bol, łamata ŭ ciele.
Krynica infiekcyi — čałaviek, jaki chvareje. Jana pieradajecca pavietrana-kropielnym šlacham (padčas čchańnia, kašlu) i kantaktnym (naprykład, ahulnyja pradmiety hihijeny, stałovyja prybory biez apracoŭki).
— Niebiaśpieka zachvorvańnia na hryp — va ŭskładnieńniach i niespryjalnych vynikach, jakija raźvivajucca paśla pieraniesienaj chvaroby. Virus hrypu pryhniataje i asłablaje imunnuju sistemu, tym samym daje mahčymaści dla dałučeńnia inšych infiekcyjnych uzbudžalnikaŭ, raźvićcia takich stanaŭ, jak insult, infarkt i h. d., — raspaviała doktar-epidemijołah.
Prafiłaktyka składajecca ŭ ahulnym azdaraŭleńni. Treba ŭmacoŭvać arhanizm i stymulavać imunitet zahartoŭvańniem, zaniatkami fizkulturaj, užyvańniem paŭnavartasnaj ježy. Treba čaściej hulać na śviežym pavietry, asabliva dzieciam i ludziam stałaha ŭzrostu (chada z pravilnaj rehulacyjaj dychańnia ŭzmacniaje lohačnuju vientylacyju, palapšaje sistemu krovazvarotu, hartuje arhanizm).
U pieryjad ŭzdymu zachvorvańnia na VRI i hrypu treba vykonvać šerah prostych praviłaŭ: pamiatać ab sacyjalnaj dystancyi (adlehłaść pamiž ludźmi pavinna być 1-1,5 m), vykarystoŭvać srodki indyvidualnaj abarony orhanaŭ dychańnia ŭ miescach zboru ludziej (asabliva kali niemahčyma vykonvać dystancyju), čaściej myć ruki z myłam, vykarystoŭvać srodki-dezinfiektary na śpirtavoj asnovie, pa mahčymaści nie naviedvać masavyja mierapryjemstvy, asabliva ŭ zakrytych pamiaškańniach, imknucca nie kantaktavać ź ludźmi, u jakich jość simptomy VRI, časta pravietryvać pamiaškańni, nie zabyvać pra vilhotnuju ŭborku.
Taksama M. Navyšnaja raspaviała, što treba vykonvać «reśpiratorny etykiet» u hramadskich miescach, — heta moža abmiežavać raspaŭsiud reśpiratornych zachvorvańniaŭ.
Tak, pry kašli i čchańni treba vykarystoŭvać nasoŭku, choć lepš — adnarazovyja papiarovyja chustki. Kali niama nasoŭki, varta čchać i kašlać nie ŭ dałoni, a ŭ vyhin łokcia, nie dakranacca da tvaru niamytymi rukami.
Hetaj zimoj biełarusy buduć šmat chvareć na hryp
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary