Telekanał «Dožd́» paśla pazbaŭleńnia licenzii na viaščańnie ŭ Łatvii praciahnie pracu ŭ YouTube, ale płanuje atrymać novuju licenziju ŭžo ŭ inšaj krainie, paviedamiła RBK hiendyrektar telekanała Natalla Sindziejeva.
«Praciahniem pracavać u YouTube. Vyklučymsia z kabielnych sietak časova. Stracim hrošy. Budziem atrymlivać novuju licenziju ŭ inšaj krainie», — paviedamiła Sindziejeva.
«Dožd́» spynić viaščańnie ŭ kabielnych sietkach 8 śniežnia, rašeńnie ab adklikańni licenzii pryniała Nacyjanalnaja rada pa elektronnych ŚMI Łatvii. U Łatviju telekanał pierajechaŭ hetym letam paśla błakavańnia ŭ Rasii.
Pastanovu ab anulavańni licenzii «Doždia» ŭ Łatvii pryniali paśla skandału, jaki pačaŭsia praz słovy žurnalista telekanała Alaksieja Karaścialova. 1 śniežnia ŭ vypusku prahramy «Tut i ciapier» Karaścialoŭ źviarnuŭsia da hledačoŭ i paprasiŭ dzialicca z kanałam infarmacyjaj ab prablemach u rasijskaj armii. «My spadziajomsia, što mnohim vajskoŭcam u tym liku my zmahli dapamahčy, naprykład, z abstalavańniem i prosta elemientarnymi vyhodami na froncie», — skazaŭ jon. Hetyja słovy ŭ Łatvii interpretavali jak padtrymku rasijskaj armii «Doždiem», choć i sam žurnalist, i telekanał hetuju viersiju źniapraŭdzili. Kiraŭnictva telekanała nazvała vykazvańnie nieprymalnym i spyniła supracoŭnictva z Karaścialovym.
Akramia słoŭ žurnalista va ŭładaŭ Łatvii byli i inšyja pretenzii da pracy telekanała — jon atrymaŭ štraf praz pakaz karty z Krymam u składzie Rasii. Taksama telekanał abvinavačvali ŭ niezabieśpiačeńni hukavoj darožki na nacyjanalnaj movie.
«Ja ciapier pra ŭsio škaduju». Hiendyrektarka «Doždia» prakamientavała situacyju vakoł adklikańnia licenzii
-
Pucin na zakrytaj sustrečy z bujnymi biznesmienami prapanavaŭ im dobraachvotna prafinansavać vajnu z Ukrainaj
-
U ZŠA źbirajucca vypuskać dalary z podpisam Trampa
-
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ
Kamientary