Pry hetym Orban adkryta zajaŭlaje, što ciapierašni kurs ES u płanie kaštoŭnaściaŭ nie supadaje ź vienhierskim.
Kiraŭnik vienhierskaha ŭrada Viktar Orban nazvaŭ dźvie pryčyny, pa jakich Vienhryja nie vychodzić ź Jeŭrapiejskaha Sajuza.
Pieršaja pryčyna, pavodle jaho słoŭ, zaklučajecca ŭ tym, što ŭ kulturnym, fiłasofskim i histaryčnym płanie Vienhryja zaŭsiody naležała Zachadu, piša «Jeŭrapiejskaja praŭda».
«My naležym da rymska-chryścijanskaj tradycyi Jeŭropy, a nie da pravasłaŭnaj i nie da musulmanskaj, jakaja raspaŭsiudžanaja na poŭdni. Tamu dla vienhraŭ prynaležnaść da Jeŭrapiejskaha Sajuza — heta, prynamsi častkova, pytańnie cyvilizacyi, da jakoj ty naležyš», — skazaŭ jon.
Druhi padychod, rastłumačyŭ Orban, bolš prahmatyčny i źviazany z ekanomikaj.
«Viedajecie, heta kraina z nasielnictvam 10 miljonaŭ. My stracili svaje terytoryi ŭ vyniku Pieršaj suśvietnaj vajny. U nas niama krynic enierhii, niama syraviny. Tamu nas prysudzili da śmierci. Ale my vyžyli. Takim čynam, nam patrebnaja rabočaja siła, pradukty, stvoranyja hetaj rabočaj siłaj, nam patrebnyja rynki. A Jeŭrapiejski Sajuz aznačaje rynak», — zajaviŭ Orban.
Jon skazaŭ, što Jeŭrapiejski Sajuz nie źjaŭlajecca kaštoŭnaściu dla Vienhryi, tamu što «napramak, u jakim ruchajecca Jeŭrapiejski Sajuz u płanie kaštoŭnaściej, nie maje ničoha ahulnaha z kaštoŭnaściami, jakija my vyznajom».
Letaś Orban zajaŭlaŭ, što jaho kraina nie maje namieru vychodzić ź Jeŭrapiejskaha Sajuza, a choča «pieraŭtvaryć» abjadnańnie.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU3
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Kali taki žorstki miechanizm pryniaćcia ŭ ES, to musić być i miechanizm prymusovaha vyklučeńnia ź ES, kali vybarščyki krainy pajšli šlacham papulizmu i adrakajucca ad jeŭrapiejskich kaštoŭnaściaŭ, a kraina siadzić u ES vyklučna dziela mierkantylnych cikavaściaŭ karystańnia hrašyma dy rynkam, jaki daje ES.