Paśla taho jak stali zabivać iranskich kiraŭnikoŭ, Pucin amal nie źjaŭlajecca ŭ Kramli
U apošni čas pracoŭnym hrafiku Uładzimira Pucina redka zdarajucca publičnyja vystupleńni ŭ Kramloŭskim pałacy, zaŭvažyła vydańnie «Ahientstvo».
Apošniaja aficyjnaja padzieja ŭ Kramli ŭ udziełam Pucina adbyłasia 9 sakavika — na joj abmiarkoŭvali situacyju na suśvietnym rynku nafty i hazu. Paśla hetaha ŭ pucinskim hrafiku zafiksavanyja tolki sustrečy z hubiernatarami, ministram adukacyi i kiraŭnikom Śbierbanka, a taksama anłajn-pasiadžeńnie Rady biaśpieki. Mnohija z hetych mierapryjemstvaŭ mahli być zapisanyja zahadzia abo prachodzić pa videasuviazi ź inšych rezidencyj, tamu ciažka skazać, što Pucin sapraŭdy znachodziŭsia ŭ Kramli.
ŚMI adznačajuć, što takaja praciahłaja adsutnaść na publičnych mierapryjemstvach — adna z najdaŭžejšych sioleta. Minuły raz padobny pierapynak byŭ z 6 pa 18 lutaha, a ŭ studzieni paśla śviataŭ hrafik Pucina nie pieraryvaŭsia bolš čym na 6 dzion.
Pryčyny adsutnaści rasijskaha kiraŭnika ŭ Kramli abmiarkoŭvajucca ŭ kantekście čutak, źviazanych ź Iranam. 28 lutaha byŭ zabity viarchoŭny lidar ajatała Ali Chamieniei, i niekatoryja śćviardžajuć, što za im sačyli amierykanskija i izrailskija śpiecsłužby praz vuličnyja kamiery. Tamu internet u centry Maskvy nibyta moh być častkova adklučany i ź mierkavańniaŭ biaśpieki.
Paviedamlajecca, što Chamieniei zahinuŭ u vyniku avijaŭdaru pa svajoj rezidencyi ŭ Tehieranie, za jakim stajała doŭhaterminovaje sačeńnie praz kamiery horada. Akramia taho, 17 sakavika byŭ zabity jašče adzin vysokapastaŭleny iranski čynoŭnik — Ali Łarydžani, jaki mieŭ vialikaje značeńnie ŭ adnosinach pamiž Maskvoj i Tehieranam.
«Adsiačeš adnu hałavu — vyrastajuć novyja». Jak kiraŭnictva Irana pabudavała sistemu, jakaja dazvalaje ŭtrymlivać uładu
Kab zabić Chamieniei, izrailskaja raźviedka ŭzłamała darožnyja kamiery ŭ Tehieranie i adklučyła vyški mabilnaj suviazi
Pucin nazvaŭ zabojstva Chamieniei cyničnym parušeńniem usich normaŭ marali i prava. Łukašenka maŭčyć
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary