Biełaruski muzyka zhubiŭ u Varšavie svoj pašpart, ale znajšoŭ inšy — nieznajomaj žančyny. A ŭžo jana dapamahła znajści jahony
Biełaruski muzyka, etnohraf i art-mieniedžar Siaržuk Doŭhušaŭ zhubiŭ u Varšavie pašpart. Kinuŭsia šukać — i znajšoŭ. Ale nie svoj, a žančyny-biełaruski. Nieŭzabavie jana paviedamiła Sieržuku, što znajšła jahony dakumient. Nievierahodnaj historyjaj muzyka padzialiŭsia ŭ Facebook i raskazaŭ padrabiaznaści vydańniu Most.
Pra stratu pašparta Doŭhušaŭ paviedamiŭ 16 sakavika. Jon atrymlivaŭ novuju kartu dazvołu na žycharstva va Upraŭleńni pa spravach zamiežnikaŭ u Varšavie. Adtul ža pajechaŭ pa spravach u administracyju varšaŭskaha rajona Białałenka. Tam i zaŭvažyŭ, što niejkim čynam zhubiŭ biełaruski pašpart. Abšukaŭ usiu mašynu, pieraryŭ kišeni — daremna. Vyrašyŭ viarnucca va Upraŭleńnie pa spravach zamiežnikaŭ u Varšavie.
«Byŭ tam užo niekalki razoŭ, usio abšukaŭ — niama. Kryŭdna, jašče hod dziejničaŭ. Nie viedaju, što i rabić, u piatnicu treba jechać z vystupami ŭ Litvu», — paskardziŭsia jon.
Pastupova muzyka staŭ uśviedamlać, što hastroli, vierahodna, pryjdziecca admianić.
«Bieznadziejna. Raźvitvajusia ź minułym, adkryvaju novy partał z budučym atrymańniem jeŭrapiejskaha pašparta», — pisaŭ jon u adkaz na pytańnie pra dakumient.
«Taki moj kvest: treba znajści try zhublenyja biełaruskija pašparty ŭ Varšavie, tady moj vierniecca»
17 sakavika Doŭhušaŭ znoŭ pajechaŭ u rajonnuju administracyju. Pakul čakaŭ dakumienty, pačuŭ, što ŭ dziaržorhanie znojdzieny niejki pašpart. Užo vyrašyŭ, što jahony. Ale nie pašancavała: pašpart, choć i byŭ biełaruski, naležaŭ žančynie.
Tady biełarus vyrašyŭ dapamahčy suajčyńnicy — napisaŭ post u bujnuju hrupu ŭ fejsbuku «Biełarusy ŭ Varšavie». Žančyna adhuknułasia. Vyśvietliłasia, što i dla jaje strata pašparta była balučaj: jana musiła lacieć u Luksiemburh.
«Mabyć, heta taki moj kvest: treba znajści try zhublenyja biełaruskija pašparty ŭ Varšavie, tady moj vierniecca», — pažartavaŭ jon.
Ale kvest losu akazaŭsia krychu lahčejšym.
U toj samy dzień žančyna zabrać pašpart nie dała rady, pryjechała 18 sakavika. I znajšła ŭ administracyi nie tolki svoj pašpart, ale i Doŭhušava. Kamu telefanavać, jana ŭžo viedała.
Ciapier muzyka pryznaje, što atrymaŭ urok. I choć dapamahać z pošukami troch pašpartoŭ nie spatrebiłasia, surazmoŭca kaža, što ciapier budzie rabić dobryja spravy.
«Sačycie za dakumientami, nikoli nie hublajcie pašparty. Asabliva biełaruskija», — raić jon, majučy na ŭvazie, što dla mnohich biełarusaŭ atrymańnie novaha pašparta zaraz niemahčymaje.
Statkievič raskazaŭ, što ŭžo miesiac žyvie biez dakumientaŭ
Z pašpartam Novaj Biełarusi možna budzie prahałasavać na vybarach u Kaardynacyjnuju radu
«Nie prapuściła słužba biaśpieki». Polski bank admoviŭ biełarusu z DNŽ, ale praterminavanym pašpartam u adkryćci rachunku dla IP
Toj samy biełarus, jaki ŭ Polščy pryjšoŭ z pašpartam Novaj Biełarusi mianiać VNŽ, raskazaŭ novyja padrabiaznaści svajoj historyi
U Polščy zaviali kryminałku za vykarystańnie pašparta Novaj Biełarusi? Nie. Voś što viadoma na hety momant
Ciapier čytajuć
Łukašenka: Razmova z Makronam doŭžyłasia 1 hadzinu 40 chvilin. Projduć pieramovy z pradstaŭnikom Francyi1
Kamientary