Jak ciapier žyvie Natalla Chierše, jakuju adpravili ŭ kałoniju za sarvanuju ź siłavika bałakłavu
Pakul Natalla była ŭ źniavoleńni, jaje troch kotak u Šviejcaryi addali inšym ludziam. Tolki brytanskuju karatkašersnuju kotku Šanel jana zmahła vykupić nazad, jak tolki apynułasia na voli.
Natallu Chierše, biełarusku z hramadzianstvam Šviejcaryi, zatrymali na žanočym maršy ŭ Minsku ŭ vieraśni 2020 hoda. Za toje, što jana sarvała ź siłavika bałakłavu, žančynie prysudzili 2,5 hoda kałonii. Ale jaje ŭdałosia vyciahnuć z-za krataŭ raniej, u lutym 2022 hoda, dziakujučy namahańniam šviejcarskich dypłamataŭ.
Pra svajo siońniašniaje žyćcio byłaja palitźniavolenaja raskazała vydańniu Schweizer Illustriert.
Paśla viartańnia ŭ Šviejcaryju žyćcio Natalli było ŭ ruinach. Adnosiny z kachanym mužčynam raspalisia, amal usie asabistyja rečy źnikli. «U mianie amal ničoha nie zastałosia». Tydniami jana spała ŭ pakoi svajoj dački ŭ Ciurychu.
Paźniej Natalla Chierše pierajechała da svajho byłoha partniora, ale vosiem miesiacaŭ tamu jany rasstalisia. Ciapier jana žyvie ŭ šviejcarskim horadzie Sankt-Halen.
Paśla vyzvaleńnia Natalla, jakaja šmat hadoŭ maluje, šukała, jak realizavać siabie ŭ prafiesijnym płanie.
U rešcie rešt jana źviarnuła ŭvahu na ŭstanovu Werkheim Neuschwende ŭ Trohienie, dzie žyvuć i pracujuć ludzi z kahnityŭnymi parušeńniami. Chierše atrymała miesca dla praktyki. Siońnia jana prachodzić tam dvuchhadovaje navučańnie na piedahoha.
Naprykład, jana stvaraje mastackija paštoŭki razam z žycharami ŭstanovy. «Pryjemna bačyć, jak ludzi praz samastojnuju pracu raźvivajuć pačućcio ŭłasnaj hodnaści i honar».
Pakul Natalla była ŭ źniavoleńni, jaje troch kotak u Šviejcaryi addali inšym ludziam. Tolki brytanskuju karatkašersnuju kotku Šanel jana zmahła vykupić nazad, jak tolki apynułasia na voli.
Kožnuju niadzielu žančyna naviedvaje carkvu. «Ja viedaju ludziej, najvialikšy strach jakich — być pakinutymi inšymi. Ja sama heta pieražyła — heta baluča. Ale moj najvialikšy strach — być pakinutaj Boham».
U Biełaruś jana nie moža viarnucca, pakul tam panuje dyktatura. Ci zrabiła b jana siońnia što-niebudź inakš? Nie. «Ja rabiła heta nie dla siabie, a dla ŭsich maich prodkaŭ i dla ŭsich maich naščadkaŭ. […] Ja zastupiłasia za toje, što liču pravilnym. Zaraz ja chaču praciahvać budavać svajo žyćcio — i hladzieć napierad».
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary
Paźniej Natalla Chierše pierajechała da svajho byłoha partniora, ale vosiem miesiacaŭ tamu jany rasstalisia. Ciapier jana žyvie ŭ šviejcarskim horadzie Sankt-Halen.
Paśla vyzvaleńnia Natalla, jakaja šmat hadoŭ maluje, šukała, jak realizavać siabie ŭ prafiesijnym płanie.
U rešcie rešt jana źviarnuła ŭvahu na ŭstanovu Werkheim Neuschwende ŭ Trohienie, dzie žyvuć i pracujuć ludzi z kahnityŭnymi parušeńniami. Chierše atrymała miesca dla praktyki. Siońnia jana prachodzić tam dvuchhadovaje navučańnie na piedahoha.
oj ... fu-fu ... žach jaki