Troch žančyn zastrelili ŭ kafe ŭ Rymie — zahinuła siabroŭka premjer-ministarki Italii
Try žančyny, u tym liku siabroŭka novaha premjer-ministra Italii Džordžy Miełoni, zahinuli ŭ vyniku stralaniny ŭ kaviarni ŭ rymskim rajonie Fidenie. Jašče čatyry čałavieki atrymali ranieńni, piša Bi-bi-si.
U toj momant u kafe sabralisia členy rady žycharoŭ šmatkvaternaha doma.
Mer Ryma Rabierta Huałćjery nazvaŭ stralbu «surjoznym epizodam hvałtu», u suviazi ź jakim haradski ŭrad praviadzie ekstrannuju naradu.
Padazravany, jakomu 57 hadoŭ, znachodzicca pad vartaj. Pa paviedamleńniach, u jaho byli roznahałośsi ź niekatorymi členami praŭleńnia rady.
Vice-prezident Kamiteta Łučana Čyorba ŭ momant stralaniny znachodziłasia ŭ kaviarni.
Pavodle jaje słoŭ, strałok uvajšoŭ u kafe, kryknuŭ «Ja vas usich zabju!» i adkryŭ stralbu. Inšym naviedvalnikam udałosia abiazzbroić i skrucić napadnika, a zatym padaśpieła palicyja.
Čatyry čałavieki — imavierna dźvie žančyny i dvoje mužčyn — atrymali ranieńni, adzin znachodzicca ŭ ciažkim stanie.
Premjer-ministar Džordža Miełoni skazała, što adna z zabitych žančyn — heta jaje siabroŭka Nikalet Halisana. Inšyja zahinułyja — Elizabieta Silency i Sabina Śpierandzia.
U dopisie ŭ fejsbuku Miełoni vykazała spačuvańni siamji Halisana i napisała, što nazaŭždy zapomnić svaju siabroŭku «pryhožaj i ščaślivaj».
«Nikalet była kłapatlivaj maci, ščyrym i strymanym siabram, žančynaj mocnaj i dalikatnaj adnačasova, — napisała jana. — Ale pierš za ŭsio jana była prafiesijanałam z pačućciom abaviazku, jaki vychodzić za ramki zvyčajnaha… Nikalet była majoj siabroŭkaj».
«Nichto nie pavinien tak pamirać — praciahnuła Miełoni. — Nikalet była ščaślivaja i pryhožaja, na joj była čyrvonaja sukienka, jakuju jana kupiła dla śviatkavańnia svajho 50-hodździa niekalki tydniaŭ tamu. Dla mianie jana zaŭsiody zastaniecca takoj pryhožaj i ščaślivaj».
Italjanski premjer taksama paviedamiła, što cir, ź jakoha padazravany mierkavana skraŭ pistalet, začynieny i znachodzicca pad śledstvam.
Palicyja pakul nie kamientuje matyvy padazravanaha. Jaho imia źjaviłasia ŭ italjanskaj presie, ale nie aficyjna. Pakul miarkujecca, što matyŭ napadu nie źviazany z palitykaj, a pa inšych paviedamleńniach, padazravany ŭžo niejki čas kanfliktavaŭ z radaj žycharoŭ.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary