Milicyja pra hihijenu. Jakaja sacyjalnaja rekłama visić na biłbordach i krucicca na TB?
Akcent na baraćbu z machlarami, na vajskoŭcaŭ i patryjatyzm.
Najčaściej sacyjalnaja rekłama kidajecca ŭ vočy na biłbordach. Jak kažuć naziralnyja haradžanie, jaje raznastajnaści pamienieła, šmat zastałosia z raniejšych časoŭ — i heta bačna pa vyćviłych płakatach. Jany pryśviečanyja zdarovamu ładu žyćcia, ekałohii, biaśpiečnym pavodzinam dy abychodžańniu ź finansami.
Postarami ź biłbordaŭ ratavalniki nahadvajuć pra niebiaśpieku pažaraŭ z-za nienaležnaha karystańnia piečkami, a taksama zaklikajuć baćkoŭ być uvažlivymi da dziaciej.
Pryrodaachoŭnyja słužby svaimi zaklikami ź biłbordaŭ źviartajuć uvahu na nieabchodnaść sartavańnia śmiećcia dy bytavych adkidaŭ.
Minzdaroŭja na trecim hodzie suisnavańnia z karanavirusam nahadvaje hramadzianam bolš dbajna stavicca da asabistaj hihijeny i ŭłasnaha zdaroŭja.
Ź biłbordaŭ sudovyja vykanaŭcy zaklikajuć hramadzian vypłačvać daŭhi, a ich kalehi z padatkovaj inśpiekcyi — cikavicca, kudy iduć adličeńni.
Postary ź biłbordaŭ nahadvajuć pra važnaść lubovi da rodnaha i rajać nie zabyvać, «chto ŭ chacie haspadar» (vajskoviec).
Na asnoŭnych dziaržaŭnych telekanałach siarod sacyjalnaj rekłamy pieravažajuć roliki, vyrablenyja na zamovu milicyi.
U ich MUS zaklikaje nie paddavacca na chitryki machlaroŭ.
Milicyja svaimi rolikami taksama raić, što treba rabić baćkam, kab dzieci nie zaznali seksualnaha damahańnia padčas zabaŭ u internecie.
U adnym ź ich milicyja niečakana raskazała, jak paźbiehčy zaražeńnia virusnymi chvarobami.
Źviartaje ŭvahu toj fakt, što ŭ farmalna dvuchmoŭnaj krainie ŭsie roliki — pa-rusku.
Ratavalniki ŭ svaim roliku na TB nahadvajuć pra niebiaśpieku znachodžańnia na lodzie.
Biełaruski dziciačy fond svaim rolikam paviedamiŭ pra navahodniuju dabračynnuju akcyju «Našy dzieci». U centry ŭvahi — dzietki z aŭtyzmam.
Na kanale «Biełaruś-1» kruciać rolik z pahraničnikam-kinołaham. Jak vynikaje ź siužetu, asnoŭny miesiedž — nieabchodnaść słužby ŭ vojsku.
Varta adznačyć, što ŭ rekłamnych błokach kamiercyjnaj rekłamy ciapier bolš. U vychadnyja sacyjalnaja rekłama amal źnikaje ź sietki viaščańnia.
«Naša Niva» — bastyjon biełaruščyny
PADTRYMAĆU Minsku źjavilisia krutyja postary na temu ekałohii
Što za novaja sacsietka, jakoj cikaviacca biełarusy?
Jašče 20+ kampanij vyjšli z PVT i likvidujuć biznes
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary