Śviedčańni: Rasija pierakidvaje ŭ Biełaruś žyvuju siłu ŭ tym liku tajemna, u cysternach
Jak stała viadoma «Našaj Nivie» ad krynic u Biełarusi, Rasija vykarystoŭvaje čyhunačnyja cysterny, kab uvieści ŭ zman spadarožnikavaje i vizualnaje nazirańnie za pieravozkami.
U realnaści ŭnutry takich cysternaŭ znachodziacca nie vadkija hruzy, a ludzi.
Unutry cysternaŭ, pavodle infarmacyi «Našaj Nivy», pieravozicca žyvaja siła. Ci pieravoziać u Biełaruś takim čynam abo anałahičnymi zamaskavanymi sposabami taksama vajskovuju techniku i bojeprypasy, my nie viedajem.
Kali vy viedajecie na hetuju temu bolš, pišycie redaktaru «Našaj Nivy» ŭ TH @nn_editor, na [email protected] ci [email protected]. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
U lutym 2022 hoda Rasija vykarystała terytoryju Biełarusi dla nastupu na Kijeŭ. Adnak uviesnu taho ž hoda rasijskija vojski byli vymušanyja adstupić z Kijeŭskaj, Žytomirskaj i Čarnihaŭskaj abłaściej, jakija miažujuć ź Biełaruśsiu pad udarami ŭkrainskaj armii i z-za prablem z łahistykaj na praźmierna raściahnutym froncie.
Paśla ŭdałaha ŭkrainskaha kontrnastupu vosieńniu 2022 hoda Uładzimir Pucin byŭ vymušany pravieści ŭ Rasii častkovuju mabilizacyju reziervistaŭ. Rasijskija vajskoŭcy paśla hetaha pačali prachodzić navučańnie na biełaruskich palihonach.
Akramia taho, Rasija zachoŭvaje prysutnaść svaich vojskaŭ na terytoryi Biełarusi, kab trymać u napružańni ŭkrainski bok i adciahvać častku jahonych siłaŭ na prykryćcio paŭnočnaj hranicy.
Dakładnaja kolkaść rasijskich vojskaŭ na terytoryi Biełarusi nieviadomaja. Ukrainskija siłavyja struktury nazyvali ličbu 10 200 bajazdolnych vajskoŭcaŭ.
Taksama na terytoryi Biełarusi ŭvieś čas prysutničajuć rasijskija samaloty i rakietnyja kompleksy — jak supraćpavietranyja, tak i ŭdarnyja «Iskandery».
Naziralniki i vajskovyja ekśpierty ličać najaŭnyja pakul siły niedastatkovymi dla novaj ataki na Kijeŭ, tym časam ukrainski bok praciahvaje z tryvohaj nazirać za kancentracyjaj sučasnaj techniki ŭ Biełarusi.
Atrymanyja «Našaj Nivaj» źviestki pra pierakidvańnie rasijskich vojskaŭ pad vyhladam cysternaŭ śviedčać pra toje, što, mahčyma, maštaby rasijskaj prysutnaści ŭ Biełarusi bolšyja, čym mierkavałasia raniej.
«Naša Niva» — bastyjon biełaruščyny
PADTRYMAĆČytajcie taksama:
«Dzikavatyja, panuryja, šukajuć žonak». Žychary Asipovičaŭ pra rasijskich vajskoŭcaŭ
Što dumajuć biełarusy pra rasijskuju mabilizacyju. Niečakanyja vyniki daśledavańnia
Što adbyvajecca na zapoŭnienym technikaj palihonie «Lepielski». Zdymak sa spadarožnika
-
Łukašenka: Čas viartacca da praktyki, kali Biełaruś adkazvała za Kalininhrad, Picier, Maskoŭskuju vobłaść, častkova Maskvu
-
«Jeŭrapiejcy zusim nie abaviazanyja iści za amierykancami». Pradstaŭnik prezidenta Polščy prakamientavaŭ zvarot hrupy biełaruskich palitviaźniaŭ da lidaraŭ krain Jeŭropy
-
Łukašenka raskazaŭ, na kaho z rasijan padobnyja biełarusy
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Kamientary