Što dumajuć biełarusy pra rasijskuju mabilizacyju. Niečakanyja vyniki daśledavańnia
Apytańnie Chatham House kanstatuje palaryzacyju biełaruskaha hramadstva: navat pytańni vajny va Ukrainie i mabilizacyi ŭ Rasii nie abjadnali jaho. Staŭleńnie da bakoŭ kanfliktu kareluje z tym, što hladziać i što čytajuć apytanyja.
Chatham House apublikavaŭ apytańnie, praviedzienaje z 11 pa 20 listapada 2022 hoda siarod haradskoha nasielnictva z dapamohaj internet-intervju (CAWI). Na praktycy heta aznačaje, što vybarka była abmiežavanaja karystalnikami internetu. Sacyjołahi pryznajuć, što aściarohi respandentaŭ pry prachodžańni apytańnia taksama mieli ŭpłyŭ na vyniki.
Daśledčyki vyłučyli čatyry hrupy ŭdzielnikaŭ apytańnia ŭ zaležnaści ad častaty atrymańnia navin z roznych ŚMI. Hrupy atrymalisia amal roŭnymi. Tracina pryznałasia, što atrymlivaje infarmacyju ź dziaržaŭnych ŚMI, čverć — ź niedziaržaŭnych, stolki ž — z abiedźviuch krynic, 18% redka hladziać i pieršyja, i druhija.
Staŭleńnie da mabilizacyi ŭ Rasii
Adzin z błokaŭ apytańnia Chatham House tyčyŭsia staŭleńnia biełarusaŭ da mabilizacyi ŭ Rasii. Amal usie apytanyja biełarusy pra jaje viedajuć.
Značna horš ź infarmacyjaj pra toje, što adbyvajecca ŭ samoj Biełarusi. Pra toje, što ŭ našaj krainie razharnuli sumiesnuju rehijanalnuju hrupoŭku Uzbrojenych Sił Biełarusi i Rasii čuli tolki 63% apytanych biełarusaŭ, pryčym 17% tych, chto čuŭ, nie vierać hetaj infarmacyi.
Toje, što na terytoryi Biełarusi pravodziać treniroŭki rasijan, jakich buduć adpraŭlać u miescy bajavych dziejańniaŭ, čuli mienš za pałovu apytanych — 44%. I tracina ź ich nie vieryć, što heta praŭda.
Biełarusy, jakija sami amal adzinadušna nie chočuć udzielničać u rasijska-ŭkrainskaj vajnie, padzialilisia ŭ mierkavańni nakont častkovaj mabilizacyi ŭ Rasii.
42% u toj ci inšaj stupieni mabilizacyju padtrymlivajuć, 34% — nie padtrymlivajuć.
U toj ža čas 39% padtrymlivajuć vyjezd rasijan z krainy ŭ žadańni paźbiehnuć mabilizacyi, 38% takoha ŭniknieńnia nie razumiejuć.
37% — za inšyja sposaby ŭniknuć mabilizacyi: za admovu atrymlivać pozvu, pierajezd da siabroŭ unutry krainy i inšaje. I stolki ž takija dziejańni nie padtrymlivajuć.
Čytajcie taksama:
Śviadomych ci savieckich — kaho bolš siarod biełarusaŭ? Novaje daśledavańnie biełaruskaj identyčnaści
«Ideja «biełaruskaj Šviejcaryi» blizkaja masavaj śviadomaści». Doktar sacyjałohii pra čakańni i nastroi biełarusaŭ
Jak źmianiłasia staŭleńnie biełarusaŭ da vajny za paŭhoda — novaje sacdaśledavańnie
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia6
Kamientary