Staršynia Dziaržaŭnaj pamiežnaj słužby Ukrainy Siarhiej Dejneka ŭ efiry nacyjanalnaha telemarafonu paviedamiŭ, što ciapier Rasija sabrała ŭ Biełarusi hrupoŭku vojskaŭ kolkaściu 10200 čałaviek, a hetaj kolkaści dla nastupleńnia na Ukrainu niedastatkova. Pra heta piša «Ukrainskaja praŭda».
«Taja hrupoŭka, jakaja jość va Uzbrojenych sił Rasijskaj Fiederacyi (u Biełarusi) — heta kala 10 200 vajskoŭcaŭ, jana nie ŭ stanie vykanać zadaču pa paŭtornym nastupleńni na terytoryju našaj dziaržavy», — zajaviŭ hałoŭny pamiežnik Ukrainy.
I vyviedka, i pamiežnaja słužba, i apieratyŭna-vyšukovyja padraździaleńni Ukrainy, pavodle jahonych słoŭ, manitorać abstanoŭku na terytoryi Biełarusi, im taksama dapamahajuć «sakretnyja pamočniki».
I ŭsie jany paviedamlajuć, što «realnych mahčymaściaŭ» dla nastupleńnia na hetym kirunku ŭ voraha ciapier niama.
Kamientary