Śpiavačku Meryjem Hierasimienka, zatrymanuju ŭletku z-za pieśni na ŭkrainskaj movie, asudzili da troch hadoŭ «chatniaj chimii». Taki prysud vyniesła sudździa Viktoryja Šabunia, piša «Viasna».
Meryjem Hierasimienka zatrymali 4 žniŭnia paśla kancerta ŭ minskim bary «Banki-butelki», dzie śpiavačka vykonvała pieśniu «Obijmi» hurta «Okiean Elzi» ŭ padtrymku Ukrainy. Fakt vykanańnia pieśni na ŭkrainskaj movie aburyŭ prapahandystaŭ.
Paśla zatrymańnia śpiavačku dvojčy asudzili na 15 sutak pavodle administracyjnaha artykuła. Paśla pierazatrymali ŭ miežach kryminalnaj spravy i źmiaścili ŭ SIZA.
Meryjem — lidarka hurta Meriem Band i aŭtarka šmatlikich sinhłaŭ. Śpiavačka atrymała šyrokuju viadomaść paśla ŭdziełu ŭ niekalkich vakalnych šou. Tak, naprykład, jana brała ŭdzieł va ŭkrainskim piesiennym konkursie «Hołos krajini» ŭ 2018 hodzie.
Kamientary