Palitviaźniu Siarhieju Jaraševiču, asudžanamu da 5,5 hoda kałonii, dadali jašče 9 miesiacaŭ źniavoleńnia
U sudzie Vaŭkavyskaha rajona 26 studzienia razhladzieli kryminalnuju spravu suprać adnaho z administrataraŭ telehram-kanała «Armija z narodam» Siarhieja Jaraševiča, asudžanaha raniej da piaci z pałovaj hadoŭ kałonii. Jaho abvinavacili pavodle č. 1 art. 411 Kryminalnaha kodeksa (złosnaje niepadparadkavańnie patrabavańniam administracyi papraŭčaj ustanovy). Sudździa Mikałaj Siarhiejka pryznaŭ palitviaźnia vinavatym i pryznačyŭ jamu jašče dzieviać miesiacaŭ pazbaŭleńnia voli, paviedamlaje «Viasna».
Siarhiej — adzin z administrataraŭ telehram-kanała «Armija z narodam», a taksama muž davieranaj asoby Śviatłany Cichanoŭskaj i palitźniavolenaj Antaniny Kanavałavaj. Jon viarnuŭsia ŭ Biełaruś paśla zatrymańnia žonki, pierad hetym vyjechaŭ, bo adčuvaŭ niebiaśpieku. U vyniku jaho zatrymali 2 kastryčnika 2020 hoda i źmiaścili pad vartu.
Muža i žonku abvinavacili ŭ «padrychtoŭcy da ŭdziełu ŭ masavych biesparadkach» i ŭ «padrychtoŭcy biesparadkaŭ». Minski abłasny sud 7 traŭnia 2021 hoda pryznaŭ ich vinavatymi i prysudziŭ pa piać z pałovaj hadoŭ kałonii. Na sudzie jany całkam nie pryznali svaju vinu. U Antaniny i Siarhieja na voli zastalisia dvoje maleńkich dziaciej: Vania i Naścia.
Termin palitviaźnia nakiravali adbyvać u papraŭčuju kałoniju №11 u Vaŭkavysku. Viadoma, što administracyja kałonii nieadnarazova źmiaščała Siarhieja ŭ ŠIZA, a potym pieraviała jaho ŭ PKT.
Niadaŭna stała viadoma, što suprać Siarhieja raspačali novuju kryminalnuju spravu — za «złosnaje niepadparadkavańnie administracyi kałonii». 26 studzienia sudździa Vaŭkavyskaha rajona Mikałaj Siarhiejka pryznačyŭ Jaraševiču jašče dzieviać miesiacaŭ źniavoleńnia. Ciapier palitviaźnia etapujuć u baranavicki SIZA-6, dzie buduć utrymlivać, pakul prysud nie ŭstupić u siłu.
Pa danych pravaabaroncaŭ, za apošnija dva hady jak minimum 46 palitźniavolenych pieraviali na turemny režym i suprać jašče 18 raspačali novyja kryminalnyja spravy pa art. 411 KK.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary