Siońnia pačynajecca sud nad eks-dacentkaj MDŁU Natallaj Dulinaj
Sudovy praces projdzie ŭ Minskim abłasnym sudzie. Pakul nieviadoma, budzie razhladacca jaje sprava ŭ zakrytym, abo adkrytym farmacie.
Natalla Dulina abvinavačvajecca pa dvuch artykułach:
č. 1 art. 361-4 (sadziejničańnie ekstremisckaj dziejnaści),
č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
Natallu Dulinu zatrymali 3 kastryčnika. Suprać jaje zaviedzienaja kryminalnaja sprava pa artykule za arhanizacyju i padrychtoŭku dziejańniaŭ, jakija hruba parušajuć hramadski paradak, albo aktyŭny ŭdzieł u ich (342 KK). Sankcyja artykuła praduhledžvaje da čatyroch hadoŭ pazbaŭleńnia voli.
Taksama na jaje zaviali jašče adnu spravu — pa art.361-4 KK (sadziejničańnie ekstremisckaj dziejnaści), jakaja praduhledžvaje da šaści hadoŭ pazbaŭleńnia voli. Padstavaj dla kryminalnaha pieraśledu stała intervju resursu, jaki pryznany ŭładami «ekstremisckim farmavańniem».
U 2022 hodzie Natallu Dulinu niekalki razoŭ zatrymlivali i padviarhali administracyjnamu aryštu.
Kamientary