U CVK raskazali, ci budzie elektronnaje hałasavańnie na nastupnych vybarach
Vybary ŭ 2024-2025 hadach u Biełarusi buduć pravodzicca tradycyjnym sposabam. Pra heta ŭ efiry telekanała ANT raspavioŭ staršynia Centralnaj vybarčaj kamisii Ihar Karpienka.
Pa słovach kiraŭnika CVK, dla ŭviadzieńnia ŭ krainie sistemy elektronnaha hałasavańnia, jak heta zroblena ŭ Rasii, nieabchodnaja padrychtoŭčaja praca dla ŭkaranieńnia adpaviednych ličbavych technałohij. Na biahučy momant CVK i MUS prapracoŭvajuć pytańnie stvareńnia elektronnaha rehistra nasielnictva Biełarusi, bieź jakoha niemahčyma dalejšaje stvareńnie rehistra vybarščykaŭ.
— U hetym hodzie my pasprabujem śpisy vybarščykaŭ usio-tki składać z rehistra nasielnictva, — adznačyŭ I. Karpienka.
Staršynia CVK taksama źviarnuŭ uvahu na dva važnyja momanty, jakija tyčacca elektronnaha hałasavańnia ŭ RF: pa-pieršaje, u hetaj krainie ŭsio jašče niama stapracentnaha pakryćcia žycharoŭ takoj sistemaj, pa-druhoje, u kožnuju elektaralnuju kampaniju elektronnaje hałasavańnie padviarhajecca napadam chakieraŭ.
— Heta pavinna być dosyć nadziejnaja prahrama, — padkreśliŭ I. Karpienka.
Kiraŭnik CVK taksama rastłumačyŭ, u čym asablivaści takoj sistemy: hałasavańnie arhanizavana tak, što pry rehistracyi ŭ ličbavym asiarodździ paŭtorna addać hołas afłajn užo nie atrymajecca. Uziać udzieł u vybarach z dapamohaj elektronnaha hałasavańnia možna, znachodziačysia ŭ lubym punkcie Biełarusi. Pry hetym paśla prachodžańnia hałasavańnia anłajn vybarščyk vyklučajecca sa śpisa dla hałasavańnia niepasredna na ŭčastku.
— My vyvučajem usie hetyja momanty. U pierśpiektyvie heta ŭsio moža źjavicca, ale pakul kampanii 2024 i 2025 hadoŭ projduć tradycyjna, — padkreśliŭ Karpienka.
Kamientary